అఖిల్.. ‘అఖిల్’ అనే సినిమాతో ప్రేక్షకుల ముందుకు వచ్చాడు. వినాయక్ డైరెక్షన్ లో రూపొందిన అఖిల్ మూవీ అంచనాలను ఏమాత్రం అందుకోలేకపోయింది. బాక్సాఫీస్ దగ్గర బోల్తాపడింది. ఆతర్వాత చేసిన హలో, మిస్టర్ మజ్ను చిత్రాలు కూడా ఆశించిన స్థాయిలో మెప్పించలేదు. ‘మోస్ట్ ఎలిజిబుల్ బ్యాచ్ లర్’ సినిమాతో తొలి విజయం సాధించిన అఖిల్ సురేందర్ రెడ్డి డైరెక్షన్ లో ‘ఏజెంట్’ అనే భారీ చిత్రం చేశారు. గత రెండు సంవత్సరాల నుంచి నిర్మాణంలో ఉన్న ఏజెంట్ ఇప్పుడు అన్ని అడ్డంకులను దాటుకుని ఏప్రిల్ 28న ప్రేక్షకుల ముందుకు వచ్చేందుకు రెడీ అయ్యాడు.
ఈ నెల 15 వరకు షూటింగ్ లో ఉండడం.. రిలీజ్ డేట్ దగ్గర పడడంతో ఎలా ప్రమోషన్స్ చేస్తారో…. ఎలా బజ్ క్రియేట్ చేస్తారో అనుకున్నారు. అయితే… హైదరాబాద్ లో ప్రెస్ మీట్ పెట్టడం, విజయవాడలో రియల్ స్టంట్ చేయడం.. కాకినాడలో ట్రైలర్ రిలీజ్ చేయడంతో సినిమా పై అమాంతం అంచనాలు పెరిగాయి. అయితే.. కాకినాడలో జరిగిన ఈవెంట్ లో అఖిల్ మాట్లాడుతూ… ఫ్యాన్స్ అంటే పిచ్చి. వాళ్ల కోసం ఏదైనా చేస్తాను అని చెప్పారు. అలా అనడమే కాదు.. ఈవెంట్ జరిగిన నెక్ట్స్ డే అభిమానులను కలిసారు. ఆయన్ని కలిసిన ప్రతి ఒక్కరితో ఒపికగా ఫోటోలు దిగి నిజంగా అభిమానులు అంటే ఎంతో పిచ్చి అని నిరూపించాడు.
హైదరాబాద్ లో భారీగా ప్రీ రిలీజ్ ఈవెంట్ ప్లాన్ చేస్తున్నారు. రోజురోజుకు ఏజెంట్ సినిమా పై భారీగా అంచనాలు పెరుగుతున్నాయి. అఖిల్ బ్లాక్ బస్టర్ కోసం ఎదురు చూస్తున్నారు. దీని కోసం ఎంతో కష్టపడ్డారు. ఏజెంట్ ఆశించిన విజయాన్ని అందిస్తుందని గట్టి నమ్మకంతో ఉన్నారు. హిందీలో ఈ సినిమాను విడుదల చేయాలి అనుకున్నారు కానీ.. ప్రమోషన్స్ చేయడానికి టైమ్ తక్కువ ఉండడంతో తెలుగులో రిలీజ్ చేసిన తర్వాత అక్కడ రిలీజ్ చేయాలని ఫిక్స్ అయ్యారు. మొత్తానికి ఏజెంట్ పై ఆల్రెడీ హిట్ టాక్ స్టార్ట్ అయ్యింది. మరి.. ఏ రేంజ్ సక్సెస్ సాధిస్తుందో చూడాలి.
