Crazy Combination: యంగ్ టైగ‌ర్ ఎన్టీఆర్ న‌టించిన ‘ఆర్ఆర్ఆర్’ త్వ‌ర‌లో ప్రేక్ష‌కుల ముందుకు వ‌చ్చేందుకు రెడీ అవుతుంది. ఈ సినిమా త‌ర్వాత ఎన్టీఆర్.. బ్లాక్ బ‌స్ట‌ర్ డైరెక్ట‌ర్ కొర‌టాల శివ‌తో సినిమా చేయ‌నున్నారు. వీరిద్ద‌రూ క‌ల‌సి గ‌తంలో ‘జ‌న‌తా గ్యారేజ్’ చేయడం.. ఆ సినిమా బ్లాక్ బ‌స్ట‌ర్ అవ్వ‌డం తెలిసిందే. దీంతో ఈ క్రేజీ కాంబినేష‌న్లో మ‌రో మూవీ గురించి అభిమానులు ఎప్ప‌టి నుంచో ఎదురు చూస్తున్నారు. ఇప్ప‌టికి అంతా సెట్ అయ్యింది.
వచ్చే నెలలో ఈ సినిమా సెట్స్ పైకి వెళ్ల‌నున్న‌ట్టు స‌మాచారం. ఇందులో ఎన్టీఆర్ స‌ర‌స‌న బాలీవుడ్ బ్యూటీ ఆలియాభ‌ట్ న‌టించ‌నుంది. ఆ విషయాన్ని అఫిషియ‌ల్ గా అనౌన్స్ చేయ‌లేదు. ఒక ప్రత్యేక సందర్బంలో అనౌన్స్ చేసే ఉద్దేశ్యంతో ఉన్నారు. ఆ ప్రకటన ఫిబ్రవరిలో ఉంటుందని తెలుస్తోంది. ఇక సినిమాకు సంబంధించి సంగీత దర్శకుడి పేరును కూడా అధికారికంగా అనౌన్స్ చేయబోతున్నారు. ఈ సినిమా కోసం యువ సంగీత సంచ‌ల‌నం అనిరుధ్ రవిచంద్రన్ ను సంగీత దర్శకుడిగా ఎంపిక చేయడం జరిగిందట. ఆ విషయాన్ని కూడా ఫిబ్రవరి నెలలో అధికారికంగా ప్ర‌క‌టించ‌నున్నార‌ని టాక్ వినిపిస్తోంది.
పాన్ ఇండియా మూవీగా రూపొందుతోన్న ఈ సినిమాని అయిదు లేదా ఆరు నెల‌ల్లో కంప్లీట్ చేసేలా ప్లాన్ చేసార‌ని తెలిసింది. ద‌స‌రాకి ఈ చిత్రాన్ని విడుద‌ల చేసేలా ప్లాన్ చేస్తున్నార‌ని స‌మాచారం.
