ఫ్యూచర్‌ స్కిల్స్‌ అంశాన్ని పాఠ్యప్రణాళికలో పొందుపరిచే ప్రక్రియను త్వరగా పూర్తిచేయాలని రాష్ట్ర ముఖ్యమంత్రి వైఎస్ జగన్ మోహన్ రెడ్డి అధికారులకు సూచించారు. ఫైనాన్షియల్‌ లిటరసీలో కూడా విద్యార్థులకు అవగాహన కల్పించాలని, దీనివల్ల ఆర్థిక వ్యవహారాలపై వారికి ఓ అవగాహన ఏర్పడుతుందని అభిప్రాయపడ్డారు. విద్యాశాఖపై క్యాంపు కార్యాలయంలో సీఎం జగన్ సమీక్ష నిర్వహించారు. విద్యాశాఖలో అమలు చేస్తున్న పలు కార్యక్రమాల ప్రగతిని ముఖ్యమంత్రికి వివరించిన అధికారులు. ఐబీ విద్యాబోధనపై కూడా సిఎం సమీక్షించారు.
సమీక్షలో ముఖ్యాంశాలు:
- జనవరి 31న రాష్ట్ర ప్రభుత్వంతో ఒప్పందం కుదుర్చుకోనున్న ఐబీ ప్రతినిధులు. వచ్చే విద్యాసంవత్సరం నుంచి బోధనపై శిక్షణ కార్యక్రమాలు
- విద్యాశాఖలో టీచర్ల సహా సిబ్బంది, అధికారులకు శిక్షణ ఇవ్వనున్న ఐబీ ప్రతినిధులు.
టీచర్లు, ఎంఈఓలు, డీఈఓలు సహా సిబ్బంది అందరికీ శిక్షణ. - 2025–26 విద్యాసంవత్సరం నుంచి ఐబీ విద్యాబోధన ఒకటో తరగతితో ప్రారంభం.
జాయింట్‌ సర్టిఫికేషన్‌ ఇవ్వనున్న ఐబీ. - ప్రభుత్వ పాఠశాలల్లో ఫ్యూచర్‌ స్కిల్స్‌లో ముందడగుపై సీఎం సమీక్ష.
- ప్రతి మూడు పాఠశాలలకు ప్యూచర్‌ స్కిల్స్‌పై ఒక నిపుణుడు ఉండేలా చర్యలు తీసుకుంటున్నామన్న అధికారులు.
- ఇప్పటికే 2066 మంది ఫ్యూచర్‌ స్కిల్స్‌ ఎక్స్‌పర్ట్‌లను వివిధ ఇంజనీరింగ్‌ కాలేజీల్లో గుర్తించామని, వారికి గౌరవవేతనం కూడా చెల్లిస్తున్నామని తెలిపిన అధికారులు.
- 8వ తరగతి నుంచి ఒక సబ్జెక్టుగా ఫ్యూచర్‌ స్కిల్స్‌ బోధించేందుకు చర్యలు తీసుకున్నామని, ఇప్పటికే ఒక సెమిస్టర్‌కు సంబంధించి సిలబస్‌ రూపొందించామని వివరణ ఇచ్చిన అధికారులు.
