Thank You! మజిలీ, వెంకీమామ, లవ్ స్టోరీ, బంగార్రాజు.. ఇలా వరుసగా విజయాలు సాధించి కెరీర్ లో దూసుకెళుతోన్న యంగ్ హీరో నాగచైతన్య. ప్రస్తుతం థాంక్యూ మూవీ చేస్తున్నారు. ఈ చిత్రానికి మనం ఫేమ్ విక్రమ్ కుమార్ దర్శకత్వం వహిస్తున్నారు. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ చిత్రాన్నినిర్మిస్తున్నారు. అయితే.. ఈ సినిమా ఎప్పుడో కంప్లీట్ అయ్యింది కానీ.. ఇప్పటి వరకు రిలీజ్ కాలేదు. సరైన అప్ డేట్ లేదు.
దీంతో ఈ సినిమా ఎప్పుడు రిలీజ్ కానుంది? అని సోషల్ మీడియాలో అభిమానులు ఆరా తీస్తున్నారు. దీంతో ఈ సినిమా గురించి ఏ అప్ డేట్ ఇవ్వాలో మేకర్స్ కి తెలియలేదో ఏమో కానీ.. వర్కింగ్ స్టిల్ ను అఫిషియల్ గా రిలీజ్ చేశారు. ఈ పిక్ లో చైతన్య ఫోన్ చూస్తుండగా, రాశీఖన్నా ఎవరితోనో మాట్లాడుతున్నట్టుగా కనిపించింది. ప్రస్తుతం ఈ ఫోటో సోషల్ మీడియాలో చక్కర్లు కొడుతుంది. ఈ చిత్రంలో నాగ చైతన్య హాకీ ప్లేయర్గా కనిపించ నున్నారు. అవికాగోర్, మాళవికా నాయర్లు కీలకపాత్రలు పోషించారు. మరి.. థాంక్యూ మూవీతో కూడా నాగచైతన్య సక్సెస్ సాధిస్తాడని ఆశిద్దాం.
Also Read : అక్కినేని నాగచైతన్య ‘థాంక్యూ’ చిత్రీకరణ పూర్తి
