Another record: టాలీవుడ్ కింగ్ నాగార్జున, యువ సామ్రాట్ నాగ చైతన్య కాంబినేష‌న్లో రూపొందిన భారీ, క్రేజీ మూవీ బంగార్రాజు. ఇందులో నాగార్జున స‌ర‌స‌న ర‌మ్య‌కృష్ణ న‌టించ‌గా, నాగ‌చైత‌న్య స‌ర‌స‌న కృతిశెట్టి న‌టించింది. టాలెంటెడ్ డైరెక్ట‌ర్ కళ్యాణ్ కృష్ణ దర్శకత్వంలో తెరకెక్కిన ఈ బంగార్రాజు చిత్రాన్ని జీ స్టూడియోస్ సమర్పణలో అన్నపూర్ణ స్టూడియోస్ బ్యానర్ పై నాగార్జున ప్ర‌తిష్టాత్మ‌కంగా నిర్మించారు. సంక్రాంతి కానుకగా జనవరి 14వ తేదీన బంగార్రాజు ప్రేక్షకుల ముందుకు వచ్చింది. క‌రోనా థ‌ర్డ్ వేవ్ టైమ్ లో వ‌చ్చిన‌ప్ప‌టికీ ఈ మల్టీస్టారర్ సంక్రాంతి విన్నర్‌గా నిలిచింది.
నాగార్జున, నాగ‌చైత‌న్య‌ల కెరీర్ లో రికార్డ్ ఓపెనింగ్ క‌లెక్ష‌న్స్ రాబ‌ట్టి రికార్డ్ క్రియేట్ చేసింది. ఇప్పుడు ఈ చిత్రం జీ 5 ఓటీటీ వేదికగా అందుబాటులోకి వచ్చింది. అయితే.. జీ5 తెలుగులో ఈ చిత్రం 24 గంటల్లోనే బిగ్గెస్ట్ ఓపెనింగ్స్ నమోదు చేసి అన్ని రికార్డులను బద్దలు కొట్టింది. ఈ విష‌యాన్ని జీ సంస్థ అఫిషియ‌ల్ గా అనౌన్స్ చేసింది. ఏదేమైనా.. బిగ్ స్క్రీన్ పైనే కాకుండా డిజిటల్ వేదికగా కూడా బంగార్రాజు దూసుకెళుతూ రికార్డ్ క్రియేట్ చేయ‌డం విశేషం.
