భీమ్లా నాయ‌క్ రిలీజ్ పై క్లారిటీ

clarity on release: ప‌వ‌ర్ స్టార్ ప‌వ‌న్ క‌ళ్యాణ్, క్రేజీ స్టార్ రానా ద‌గ్గుబాటి కాంబినేష‌న్లో రూపొందుతోన్న భారీ మ‌ల్టీస్టార‌ర్ ‘భీమ్లా నాయ‌క్’. ఈ చిత్రానికి యంగ్ టాలెంటెడ్ డైరెక్టర్ సాగ‌ర్ కె చంద్ర ద‌ర్శకత్వం వ‌హించారు. మాట‌ల మాంత్రికుడు త్రివిక్రమ్ శ్రీనివాస్.. ఈ చిత్రానికి స్క్రీన్ ప్లే – సంభాష‌ణ‌లు అందించ‌డం విశేషం. ఈ మూవీ టీజ‌ర్ అండ్ సాంగ్స్ కు ట్రెమండ‌స్ రెస్పాన్స్ రావ‌డంతో భీమ్లా నాయ‌క్ థియేట‌ర్లోకి ఎప్పుడెప్పుడు వ‌స్తుందా అని ఆతృత‌గా ఎదురు చూస్తున్నారు అభిమానులు. సంక్రాంతికి రావాల్సిన భీమ్లా నాయ‌క్ ఆర్ఆర్ఆర్ కోసం వాయిదా ప‌డింది.

ఆత‌ర్వాత క‌రోనా థ‌ర్డ్ వేవ్ వ‌ల‌న భారీ చిత్రాల‌న్నీ వాయిదా ప‌డ‌డం తెలిసిందే. క‌రోనా థ‌ర్డ్ వేవ్ త‌గ్గడంతో ఆర్ఆర్ఆర్, రాధేశ్యామ్, ఆచార్య.. ఇలా భారీ చిత్రాల‌న్నీ రిలీజ్ డేట్ అనౌన్స్ చేశాయి. అయితే.. భీమ్లా నాయ‌క్ మాత్రం ఫిబ్రవ‌రి 25న కానీ.. ఏప్రిల్ 1న కానీ.. విడుద‌ల చేయ‌నున్నట్టుగా ప్రక‌టించాయి. దీంతో అభిమానులు భీమ్లా నాయ‌క్ ఫిబ్రవ‌రి 25న వ‌స్తుందా..?  ఏప్రిల్ 1న వ‌స్తుందా..? అని ఆతృత‌గా ఎదురు చూస్తున్నారు.

తాజా వార్త ఏంటంటే.. ఫిబ్రవ‌రి 25న మెగా హీరో వ‌రుణ్ తేజ్ న‌టించిన గ‌ని సినిమా విడుద‌ల అని ప్రక‌టించారు. అయితే.. ఒకే రోజున ఇద్దరు మెగా హీరోల సినిమాలు రిలీజ్ కావు. అబ్బాయ్ వ‌రుణ్ తేజ్ సినిమాకి పోటీగా బాబాయ్ ప‌వ‌న్ క‌ళ్యాణ్ భీమ్లా నాయ‌క్ సినిమాను విడుద‌ల చేయ‌రు. అందుచేత భీమ్లా నాయ‌క్ ఫిబ్రవరి 25న రాదు. ఇక మిగిలిన ఏప్రిల్ 1నే భీమ్లా నాయ‌క్ ప్రేక్షకుల ముందుకు రానుంద‌ని క్లారిటీ వ‌చ్చేసింది. అదీ.. సంగ‌తి.

Also Read : భీమ్లా నాయ‌క్ నుంచి స్పెష‌ల్ టీజ‌ర్