సూప‌ర్‌స్టార్ రజినీకాంత్ ఫ్యామిలీ నుంచి వ‌చ్చిన సెన్సేషనల్ మ్యూజిక్ కంపోజర్ అనిరుద్‌ రవిచంద్రన్ కజిన్ రిషికేశ్. ‘రఘువరన్ బి.టెక్‌’తో సినీ ఇండస్ట్రీలో అరంగేట్రం చేశారు. ఆ సినిమాలో ధ‌నుశ్ త‌మ్ముడి గా న‌టించిన రిషికేశ్ ఇప్పుడు ‘బొమ్మల కొలువు’ చిత్రంతో టాలీవుడ్‌లో హీరోగా ఎంట్రీ ఇస్తున్నారు. రిషికేశ్, ప్రియాంకశ‌ర్మ, మాళ‌వికా సతీశన్ హీరో హీరోయిన్లుగా సుబ్బు వేదుల ద‌ర్శ‌క‌త్వంలో పృథ్వీ క్రియేష‌న్స్‌, కిక్కాస్ స్టోరీ టెల్ల‌ర్ పతాకాల పై ఎ.వి.ఆర్‌.స్వామి నిర్మిస్తోన్న చిత్రం ‘బొమ్మల కొలువు’. ఈ సినిమా ట్రైలర్ విడుద‌ల కార్య‌క్ర‌మం హైద‌రాబాద్‌లో జ‌రిగింది. ఈ కార్య‌క్ర‌మానికి కోన వెంకట్, బి.వి.ఎస్‌.ర‌వి ముఖ్య అతిథులుగా హాజ‌రై ట్రైల‌ర్‌ను విడుద‌ల చేశారు.
ద‌ర్శ‌కుడు సుబ్బు వేదుల మాట్లాడుతూ…‘‘పదేళ్ల ముందు నుంచి నాకు కోన వెంకట్ గారు, బి.వి.ఎస్‌.ర‌వి గారితో మంచి అనుబంధం ఉంది. ఇక ‘బొమ్మల కొలువు’ విష‌యానికి వ‌స్తే.. రాహు త‌ర్వాత ఆయ‌న‌తో సినిమా చేశాను. ఆయ‌న‌కు థాంక్స్. త్వ‌ర‌లోనే సినిమాను విడుద‌ల చేసేలా ప్లాన్ చేస్తున్నాం’’ అన్నారు.
బి.వి.ఎస్‌.ర‌వి మాట్లాడుతూ… ‘‘పాండమిక్ సమయంలో త‌గు జాగ్ర‌త్త‌లు తీసుకుంటూ.. ఒక‌టి కాకుండా, మూడు సినిమాలు చేయ‌డ‌మ‌నేది గొప్ప విష‌యం. ఇది స్వామి గారికి సినిమా పై ఉన్న ప్రేమ, ధైర్యానికి నిద‌ర్శ‌నం. నేను కూడా సినిమా చూశాను. సినిమా చాలా ఇంట్రెస్టింగ్‌గా, థ్రిల్లింగ్‌గా ఉంది. హృషికేశ్‌, ప్రియాంక, మాళ‌వికా సతీశన్, శివ‌మ్‌ల‌కు అభినంద‌న‌లు. ట్రైలర్ చాలా ఆస‌క్తిక‌రంగా ఉంది. సినిమా చాలా పెద్ద స‌క్సెస్ కావాల‌ని కోరుకుంటున్నాను’’ అన్నారు.
కోన వెంకట్ మాట్లాడుతూ… ‘‘అమెరికాలో ఓ బ్యాంకుకి వైస్ ప్రెసిడెంట్‌గా సుబ్బు ప‌నిచేస్తున్న రోజుల్లో నేను నీలో టాలెంట్ ఉందంటూ చెప్పిన కొన్ని ఇన్‌స్పిరేష‌న‌ల్ మాట‌ల వ‌ల్ల, త‌ను అమెరికా నుంచి వ‌చ్చేసి నాకు షాకిచ్చాడు. ఉద్యోగం వ‌దిలేశాడు. నాకే కాస్త గిల్టీగా అనిపించింది. కొన్నిరోజుల‌కు త‌ను ‘రాహు’ అనే సినిమా చేశాడు. అత‌నిలోని ఫైర్ బ‌య‌ట‌కు వ‌స్తుంద‌ని తెలుసు. త‌ను అనుకున్నది సాధించాడు. ఇప్పుడు నాకు కాస్త ధైర్యంగా ఉంది. త‌ను ఈ బొమ్మల కొలువు నుంచి ముందుకు వెళ్లాల‌ని కోరుకుంట‌న్నాను.. అంద‌రికీ మంచి జ‌ర‌గాల‌ని కోరుకుంటున్నాను’’ అన్నారు. ఇంకా ఈ కార్య‌క్ర‌మంలో హీరోయిన్స్ ప్రియాంక శ‌ర్మ, మాళ‌వికా సతీశన్, శివ‌మ్ త‌దిత‌రులు పాల్గొన్నారు.
