రామ్ పోతినేనితో బోయపాటి శ్రీను రూపొందిస్తున్న మాస్ యాక్షన్ ఎంటర్‌టైనర్ ‘స్కంద’. తన హీరోలను మునుపెన్నడూ చూడని మాస్ గెటప్‌లలో చూపించడంలో పేరున్న బోయపాటి, రామ్‌ని పూర్తిగా డిఫరెంట్ లుక్‌ లో ప్రేక్షకుల ముందుకు తీసుకు వస్తున్నారు. పోస్టర్లు, ఇతర ప్రమోషనల్ మెటిరియల్ లో రామ్ మాస్ అవతార్ లో కనిపించారు. ఇదీలావుండగా, మాసీవ్ సెట్‌లో లీడ్ పెయిర్, డ్యాన్సర్‌ల పై చివరి పాటను చిత్రీకరించారు. దీంతో స్కంద షూటింగ్ పార్ట్ మొత్తం పూర్తయింది.
ఈ సందర్భంగా రిలీజ్ చేసిన ఫోటోలో రామ్, శ్రీలీల, దర్శకుడు బోయపాటి శ్రీను, నిర్మాత శ్రీనివాస చిట్టూరితో కలిసి ఫ్యాన్సీ దుస్తులలో కనిపించారు. మేకర్స్‌కి ఇప్పుడు సినిమా ప్రమోషన్‌ కు తగిన సమయం దొరికింది. పోస్ట్ ప్రొడక్షన్ పనులు కూడా శరవేగంగా జరుగుతున్నాయి. ఇది పాన్ ఇండియా ప్రాజెక్ట్ కాబట్టి దేశ వ్యాప్తంగా ఇతర భాషల్లో కూడా దీన్ని జోరుగా ప్రచారం చేయాలనుకుంటున్నారు. టీజర్, టైటిల్ గ్లింప్స్‌ కు ట్రెమండస్ రెస్పాన్స్ లభించగా, ఫస్ట్ సింగిల్ నీ చుట్టు చుట్టు చార్ట్‌బస్టర్‌ గా నిలిచింది. ఎస్ థమన్ స్వరపరిచిన ఈ పాట అన్ని మ్యూజిక్ చార్ట్‌లలో అగ్రస్థానంలో ఉంది.
ఈ పాటలో రామ్, శ్రీలీల ఎనర్జిటిక్ ఎలిగెంట్ డ్యాన్స్ మూమెంట్స్ తో అందరినీ ఆశ్చర్యపరిచారు. ఈ సినిమా పై అంచనాలు భారీగా ఉన్నాయి, సినిమా చూడాలనే క్యూరియాసిటీని మరింత పెంచడానికి రెగ్యులర్ అప్‌డేట్‌లతో ముందుకు రావాలని ప్లాన్ చేస్తున్నారు మేకర్స్. ఈ చిత్రానికి సంతోష్ డిటాకే కెమెరామెన్ గా పని చేస్తున్నారు. ఈ చిత్రాన్ని జీ స్టూడియోస్ సౌత్, పవన్ కుమార్ సమర్పిస్తున్నారు. తమ్మిరాజు ఎడిటర్. తెలుగు, తమిళం, కన్నడ, మలయాళం, హిందీ భాషల్లో సెప్టెంబర్ 15న ప్రపంచ వ్యాప్తంగా ‘స్కంద’ విడుదల కానుంది.
