ప్రేక్షకులకు ‘ఛ‌లో ప్రేమిద్దాం’ టీం ధన్యవాదాలు

Chalo Premiddam Success Meet :

హిమాల‌య స్టూడియో మేన్స‌న్స్ ప‌తాకం పై సాయి రోన‌క్‌,  నేహ‌ సోలంకి హీరో హీరోయిన్లుగా సురేష్ శేఖ‌ర్ రేపల్లే ద‌ర్శ‌క‌త్వంలో ఉద‌య్ కిర‌ణ్  నిర్మించిన  చిత్రం `ఛ‌లో ప్రేమిద్దాం`. ఈ చిత్రం ఈనెల 19న విడుద‌లై పాజిటివ్ టాక్ తో స‌క్సెస్ ఫుల్ గా ర‌న్ అవుతుండ‌డంతో థియేట‌ర్స్ పెంచుతున్నారు. ఈ సంద‌ర్భంగా ఈ రోజు సంస్థ కార్యాల‌యంలో స‌క్సెస్  మీట్ ఏర్పాటు చేశారు.

నిర్మాత ఉద‌య్ కిర‌ణ్ మాట్లాడుతూ “ఛ‌లో ప్రేమిద్దాం చిత్రాన్ని ఇంత పెద్ద స‌క్సెస్ చేసిన ప్రేక్ష‌కుల‌కు ధ‌న్య‌వాదాలు. మా సినిమాకు ఇంత మంచి రెస్పాన్స్ వ‌స్తుందంటే మా ఆర్టిస్ట్స్ , టెక్నీషియ‌న్స్ కార‌ణం. అంద‌రూ సిన్సియ‌ర్ ఎఫ‌ర్ట్ పెట్టారు. ఈ సినిమా స‌క్సెస్ మ‌రెన్నో సినిమాలు చేయ‌డానికి నాకు మంచి బూస్ట‌ప్ ఇచ్చింది. ఇక పైన కూడా మా సంస్థ నుంచి వ‌చ్చే చిత్రాల‌ను ఈ విధంగానే ఆద‌రిస్తార‌ని కోరుకుంటున్నాను” అన్నారు.

ద‌ర్శ‌కుడు సురేష్ మాట్లాడుతూ “మా సినిమాకు విడుద‌లైన అన్ని ఏరియాల నుంచి మంచి రెస్పాన్స్ వ‌స్తోంది.  ముఖ్యంగా పాట‌లు, నేప‌థ్య‌ సంగీతం, ద‌ర్శ‌క‌త్వం, కామెడీ , నిర్మాణ విలువ‌లు సినిమాకు ప్ల‌స్ అంటున్నారు. ఆడియ‌న్స్ తో  క‌లిసి ఫ‌స్ట్ రోజు సినిమా చూశాను. అదుర్స్ ర‌ఘు కామెడీ, పోసాని, హేమ మ‌ధ్య వ‌చ్చే ఫ‌న్, అత్తారింటికి దారిది ఎపిసోడ్ కు ఆడియ‌న్స్ ప‌డి ప‌డి న‌వ్వుతున్నారు. క్లైమాక్స్ లో వ‌చ్చే ట్విస్ట్, శ‌శాంక్, నాగినీడు, సిజ్జు పాత్ర‌లు సినిమాకు హైలెట్ అంటున్నారు.  సినిమాకు ఇంత మంచి రెస్పాన్స్ వ‌స్తుందంటే మా టీమ్ స‌పోర్ట్ వల్లే. కొత్త డైర‌క్ట‌ర్ లా కాకుండా ఎంతో అనుభ‌వం ఉన్న డైర‌క్ట‌ర్ లా సినిమా  తీశాడంటూ రివ్యూస్ లో రాశారు. అలాగే ఒక చిన్న సినిమాకు నిర్మాణ విలువ‌లు బావున్నాయి అంటున్నారంటే నిర్మాత రాజీప‌డ‌ని త‌త్వ‌మే కార‌ణం. వ‌ర్షాల్లో కూడా మా సినిమాను ఆద‌రిస్తోన్న ప్రేక్ష‌కుల‌కు ధ‌న్య‌వాదాలు” అన్నారు.

హీరో సాయి రోన‌క్ మాట్లాడుతూ “ఈ సినిమా రిలీజ్ కోసం చాలా ఎదురుచూశాను.  అంద‌రూ నా ప‌ర్ఫార్మెన్స్, డాన్స్ గురించి మాట్లాడుతున్నారు. సినిమా బావుందంటూ చాలా మంది కాల్స్ చేసి చెబుతుంటే హ్యాపీగా ఉంది. ఇంత‌ మంచి హిట్ చేసిన ప్రేక్ష‌కుల‌కు ధ‌న్య‌వాదాలు” అన్నారు.

Also Read : కైకాల ఆరోగ్యం పై ‘చిరు’ అప్ డేట్