మహిళల భద్రత, రక్షణకు ఆంధ్ర ప్రదేశ్ ప్రభుత్వం ‘దిశ’ పేరిట ఓ ప్రత్యక చట్టాన్ని తీసుకువచ్చింది. ఈ చట్టం కేంద్ర ప్రభుత్వ పరిశీలనలో ఉంది. ఈ చట్టం ఆమోదం పొందే లోపు మహిళలకు భరోసా కల్పించేందుకు దిశ పోలీస్ స్టేషన్లు, దిశయాప్‌ లను ప్రభుత్వం అందుబాటులోకి తీసుకువచ్చింది. ఆపద సమయంలో ఈ యాప్ బటన్ నొక్కితే వెంటనే సమీప పోలీస్ స్టేషన్ ను సమాచారం వెళుతుంది. ఆ ఫోన్ సిగ్నల్ ఆధారంగా పది నిమిషాల్లో పోలీసులు ఆ ప్రదేశానికి చేరుకునేలా పటిష్టమైన వ్యవస్థను రూపొందించారు.
దిశ యాప్ మొబైల్ లో డౌన్ లోడ్ చేసుకుని వినియోగించే విధానంపై అవగాహన, చైతన్యం కలిగించేందుకు రాష్ట్ర ప్రభుత్వం ఒక స్పెషల్ డ్రైవ్ నిర్వహిస్తోంది. మహిళా భద్రతపై ఇటీవల జరిగిన ఉన్నత స్థాయి సమావేశంలో ఈ నిర్ణయం తీసుకున్నారు. గ్రామ, వార్డు సచివాలయాల సిబ్బంది ద్వారా ఈ డ్రైవ్ నిర్వహిస్తున్నారు. దిశయాప్‌ను ఇప్పటికే 16 లక్షల మంది డౌన్‌లోడ్‌చేసుకున్నారు. ప్రతి మహిళా, యువతి, విద్యార్థిని డౌన్‌లోడ్‌ చేసుకునేలా ఇంటింటికీ ప్రచారాన్ని ప్రభుత్వం చేపట్టింది. దీనిలో భాగంగా జూన్ 29 మంగళవారం ఉదయం 10:30 గంటల ప్రాంతంలో విజయవాడలోని గొల్లపూడిలో జరిగే ఈ అవగాననా కార్యక్రమంలో సిఎం జగన్ స్వయంగా పాల్గొంటున్నారు.
రాష్ట్ర వ్యాప్తంగా 18 దిశ పోలీస్ స్టేషన్లు ఏర్పాటు చేసిన ప్రభుత్వం ప్రతి జిల్లాలో మహిళలపై అఘాయిత్యాలకు సంబంధించిన కేసుల విచారణకు ప్రత్యేక పబ్లిక్ ప్రాసిక్యూటర్ లను నియమించింది.
