చిలసౌ మూవీతో రుహాణి శర్మ టాలీవుడ్‌లో ఎంట్రీ ఇచ్చి మంచి గుర్తింపును తెచ్చుకున్నారు. క్లాస్, మాస్ ఆడియెన్స్‌ను ఆకట్టుకునే సినిమాలు చేస్తూ వస్తున్నారు. ఇప్పుడు రుహాణి శర్మ మరో కొత్త జానర్‌ను ఎంచుకున్నారు. కెరీర్ పరంగా వైవిధ్యభరితమైన కథలను ఎంచుకుంటున్న ఈ బ్యూటీ.. ఇప్పుడు ‘HER’ అనే డిఫరెంట్ కాన్సెప్ట్ లేడీ ఓరియెంటెడ్ సినిమాతో ప్రేక్షకుల ముందుకు రాబోతున్నారు. పోలీస్ ఇన్వెస్టిగేషన్ నేపథ్యంలో తెరకెక్కిన ఈ సినిమాకు శ్రీధర్ స్వరగావ్ దర్శకత్వం వహించారు.
డబుల్ అప్ మీడియాస్ సంస్థ ఫస్ట్ ప్రొడక్షన్ గా ఈ సినిమాను రఘు సంకురాత్రి, దీపా సంకురాత్రి నిర్మించారు. ఈ చిత్రంలో వికాస్ వశిష్ట, ప్రదీప్ రుద్ర, జీవన్ కుమార్, అభిగ్న్య, సంజయ్ స్వరూప్, బెనర్జీ, రవివర్మ ఇతర ముఖ్యపాత్రలు పోషిస్తున్నారు. ఇప్పటికే పోస్ట్ ప్రొడక్షన్ వర్క్స్ ఫినిష్ చేసుకున్న ఈ సినిమా విడుదలకు సిద్ధమైంది. HER సినిమాను ప్రముఖ నిర్మాత సురేష్ బాబు విడుదల చేసేందుకు ముందుకు వచ్చారు. సురేష్ ప్రొడక్షన్స్ డిస్ట్రిబ్యూషన్‌ సంస్థ ద్వారా ఈ సినిమా జూలై 21న థియేటర్లోకి రాబోతోంది.
అయితే.. ఈ క్రమంలో సినిమా ప్రమోషన్స్‌లో స్పీడ్ పెంచేసింది యూనిట్. తాజాగా ఈ మూవీ నుంచి ఓ మెలోడీ పాటను రిలీజ్ చేశారు. ధీరే ధీరే అంటూ సాగే ఈ పాట శ్రోతల్ని ఆకట్టుకునేలా ఉంది. ఈ లిరికల్ వీడియోలో రుహాని శర్మ కాస్త రొమాంటిక్ టచ్ కూడా ఇచ్చారు. ఇక ఈ పాటకు పవన్ బాణీ, మహేష్ పొలొజు సాహిత్యం, ఆకాంక్ష బిస్త్ గాత్రం అన్నీ కూడా అద్భుతంగా కుదిరాయి. ఈ పాట త్వరలోనే చార్ట్ బస్టర్ అయ్యేలా కనిపిస్తోంది. ఈ చిత్రానికి విష్ణు బేసి సినిమాటోగ్రఫీ అందించగా.. చాణక్య తూరుపు ఎడిటర్ గా వ్యవహరించారు. పవన్ బాణీలు కట్టారు.
