‘బాహుబలి’ తో ప్రభాస్ పాన్ ఇండియా స్టార్ అయ్యారు. ఆయనతో సినిమాలు చేసేందుకు టాలీవుడ్, కోలీవుడ్ మేకర్సే కాదు.. బాలీవుడ్ మేకర్సే సైతం వెయిట్ చేస్తున్నారు. ప్రభాస్ వరుస సినిమాలతో బిజీగా ఉన్నారు. ప్రభాస్ తో దిల్ రాజు ‘మున్నా’, ‘మిస్టర్ పర్ ఫెక్ట్’ చిత్రాలు నిర్మించారు. ఇందులో మున్నా ప్లాప్ అవ్వగా, మిస్టర్ పర్ ఫెక్ట్ సక్సెస్ అయ్యింది. వీరిద్దరి మధ్య మంచి అనుబంధం ఉంది. మరో సినిమా చేయాలనుకున్నారు కానీ.. ఇప్పటివరకు సెట్ కాలేదు. ఈ విషయమై దిల్ రాజును అడిగితే… ప్రభాస్ తాజా కమిట్ మెంట్స్ పూర్తయిన తర్వాత ఖచ్చితంగా ఈ సినిమా ఉంటుందని దిల్ రాజు ప్రకటించారు.
ప్రస్తుతం ప్రభాస్ సలార్, మారుతితో మూవీ, అర్జున్ రెడ్డి డైరెక్టర్ తో స్పిరిట్ మూవీ చేయడానికి ఓకే చెప్పారు. అలాగే మైత్రీ బ్యానర్ లో ఓ మూవీ చేయడానికి ఓకే అన్నారని.. ఈ చిత్రాన్ని బాలీవుడ్ డైరెక్టర్ సిద్ధార్థ్ ఆనంద్ తెరకెక్కించనున్నారని వార్తలు వచ్చాయి. ఈ సినిమాలు పూర్తైన తర్వాత దిల్ రాజు బ్యానర్ లో ప్రభాస్ సినిమా ఉంటుందంటున్నారు. మరి.. ఈసారి ప్రభాస్ తో దిల్ రాజు ఏ రేంజ్ మూవీ నిర్మిస్తారో..? ఈ క్రేజీ కాంబో మూవీని ఎవరు డైరెక్ట్ చేస్తారో..? తెలియాలంటే కొంతకాలం వెయిట్ చేయాల్సిందే.
Also Read : Adipurush: హనుమజ్జయంతి స్పెషల్ పోస్టర్ విడుదల
