శుభోద‌యం సుబ్బారావు, అజ‌య్ ఘోష్ ప్రధాన పాత్ర‌ల్లో తెర‌కెక్కుతోన్న చిత్రం ‘రుద్ర‌మాంబ‌పురం’. మూల‌వాసుల కథ అనేది ట్యాగ్‌లైన్‌. ఎన్‌వీఎల్ ఆర్ట్స్ ప‌తాకం పై నందూరి రాము నిర్మిస్తున్నారు. మ‌హేష్ బంటు దర్శకుడు. కథే ఏ సినిమాకైనా బలం. అందుచేతనే కథనే నమ్ముకుని ఈ చిత్రాన్ని రూపొందిస్తున్నారు. అయితే.. చిత్రంలో ప్రధాన పాత్ర పోషిస్తున్న శుభోద‌యం సుబ్బారావు పుట్టిన‌రోజు సంద‌ర్భంగా ఆదివారం ఈ మూవీ ఫ‌స్ట్‌ లుక్‌, మోషన్ పోస్ట‌ర్‌ను ప్ర‌ముఖ దర్శకుడు మారుతి విడుదల చేశారు.
టైటిల్ చాలా బాగుందని ప్ర‌శంసించి చిత్ర యూనిట్‌కు ఆల్ ది బెస్ట్ తెలిపారు దర్శకుడు మారుతి. ఈ చిత్రంలో పెద్ద‌కాపు మ‌ల్లోజుల శివ‌య్య పాత్ర‌లో శుభోద‌యం సుబ్బారావు న‌టిస్తున్నారు. వెంగీ సంగీత ద‌ర్శ‌క‌త్వం వ‌హిస్తున్న ఈ చిత్రానికి ఎన్ సుధాక‌ర్ రెడ్డి సినిమాటోగ్రాఫ‌ర్‌, బొంతల నాగేశ్వ‌ర్ రెడ్డి ఎడిట‌ర్‌. వెంక‌టేశ్వ‌ర‌రావు ఆర్ట్ డైరెక్ట‌ర్ గా వ్య‌వ‌హ‌రిస్తున్నారు. ఈ చిత్రానికి కథ: అజ‌య్ ఘోష్, కో- ప్రొడ్యూస‌ర్‌: డి న‌రసింహ‌మూర్తి రాజు, సీఈఓ: అన్నింగి రాజ‌శేఖ‌ర్‌, ఎగ్జిక్యూటివ్ ప్రొడ్యూస‌ర్‌: కారెడ్ల బాలాజీ శ్రీ‌ను, పీఆర్ఓ: తేజ‌స్వి స‌జ్జ.
