మెగా పవర్ స్టార్ రామ్ చరణ్ – గ్రేట్ డైరెక్టర్ శంకర్ కాంబినేషన్లో ఓ పాన్ ఇండియా మూవీ రూపొందనున్న విషయం తెలిసిందే. ఈ భారీ చిత్రాన్ని టాలీవుడ్ టాప్ ప్రొడ్యూసర్ దిల్ రాజు నిర్మిస్తున్నారు. ఇది రామ్ చరణ్ కి 15వ చిత్రం కాగా, దిల్ రాజుకు 50వ చిత్రం కావడం విశేషం. ఈ చిత్రానికి సెన్సేషనల్ మ్యూజిక్ డైరెక్టర్ తమన్ సంగీతం అందిస్తున్నారు. ఈ సినిమాని అనౌన్స్ చేసినప్పటి నుంచి ఎప్పుడెప్పుడు ఈ చిత్రం సెట్స్ పైకి వెళుతుందా అని మెగా అభిమానులు ఆతృతగా ఎదురు చూస్తున్నారు.
దిల్ రాజు దంపతులు గురువారం తిరుమల వేంకటేశ్వరస్వామిని దర్శించుకున్నారు. ఈ సందర్భంగా మీడియాతో దిల్ రాజు మాట్లాడుతూ రామ్ చరణ్ – శంకర్ మూవీ ఎప్పుడు స్టార్ట్ కానుందో క్లారిటీ ఇచ్చారు. సెప్టెంబర్ నుంచి రామ్ చరణ్, శంకర్ మూవీని ప్రారంభిస్తామన్నారు. ‘రౌడీ బాయ్‌’; ‘థ్యాంక్యూ’; ‘పాగల్‌’ చిత్రాలు విడుదలకు సిద్ధంగా ఉన్నాయని, వెంకటేష్ – వరుణ్ తేజ్ కాంబినేషన్లో రూపొందుతోన్న ‘ఎఫ్‌-3’ ఫ్యామిలీ ఎంటర్ టైనర్ షూటింగ్‌ జరుగుతోందని వివరించారు, అల్లు అర్జున్‌ తో ‘ఐకాన్‌’ సినిమాను త్వరలో ప్రారంభిస్తామని, కరోనా కారణంగా ఈ సినిమా ఆలస్యమవుతోందని చెప్పారు.
