మెగాస్టార్ చిరంజీవి న‌టిస్తున్న లేటెస్ట్ మూవీ ‘గాడ్ ఫాద‌ర్‘. మోహ‌న్ రాజా ఈ చిత్రానికి డైరెక్ట‌ర్. మ‌ల‌యాళంలో విజ‌యం సాధించిన లూసీఫ‌ర్ మూవీకి ఇది రీమేక్. తెలుగు నేటివిటీకి త‌గ్గ‌ట్టుగా మార్పులు చేర్పులు చేశారు. ఇందులో బాలీవుడ్ స్టార్ స‌ల్మాన్ ఖాన్ న‌టిస్తుండ‌డంతో మూవీపై అటు అభిమానుల్లోనూ, ఇటు ఇండ‌స్ట్రీలోనూ భారీ అంచ‌నాలు ఏర్ప‌డ్డాయి. సినిమా విడుదల కోసం ఫ్యాన్స్ ఈగ‌ర్ గా వెయిట్ చేస్తున్నారు.
అక్టోబ‌ర్ 5న ద‌స‌రా కానుక‌గా గాడ్ ఫాద‌ర్ మూవీ రిలీజ్ అని ప్ర‌క‌టించారు కానీ.. ద‌స‌రా రేసు నుంచి ఈ సినిమా త‌ప్పుకుంద‌ని వార్తలు వ‌చ్చాయి. దీనిపై వెంట‌నే చిత్ర నిర్మాత ఎన్వీ ప్ర‌సాద్ స్పందిస్తూ ‘ఎవ‌రు క్రియేట్ చేసారో కానీ.. ఇది పుకారు. గాడ్ ఫాద‌ర్ మూవీ వాయిదా ప‌డ‌డం లేదు. ద‌స‌రాకి వ‌స్తుంది. త్వ‌ర‌లోనే సినిమా ఫ‌స్ట్ సింగిల్ రిలీజ్ చేస్తున్నాం’ అంటూ క్లారిటీ ఇచ్చారు.
నిర్మాత క్లారిటీ ఇచ్చిన‌ప్ప‌టికీ ‘వాయిదా’ వార్తలు మాత్రం అగ‌డం లేదు. కార‌ణం ఏంటంటే.. మూవీని డిసెంబ‌ర్ లో రిలీజ్ చేసే ప్లాన్ లో ఉన్నార‌ట. అందుక‌నే అక్టోబ‌ర్ 5నే నాగార్జున ‘ది ఘోస్ట్’, మంచు విష్ణు ‘జిన్నా’, బెల్లంకొండ గ‌ణేష్ ‘స్వాతిముత్యం’ సినిమాలు రిలీజ్ కి రెడీ అవుతున్నాయి అని టాక్. ప్ర‌చారంలో ఉన్న‌ది చూస్తుంటే.. నిజ‌మే అనిపిస్తుంది. మ‌రి.. నిజంగానే గాడ్ ఫాద‌ర్ వాయిదా ప‌డుతుందా..? లేదా..? అనేది తెలియాలంటే కొన్ని రోజులు ఆగాల్సిందే.
Also Read: ద‌స‌రా రేసునుంచి త‌ప్పుకున్నగాడ్ ఫాద‌ర్
