నాగార్జున కథానాయకుడిగా ‘నా సామిరంగ’ సినిమా రూపొందింది. కొరియోగ్రఫర్ గా మంచి పేరు తెచ్చుకున్న విజయ్ బిన్నీ ఈ సినిమాతో దర్శకుడిగా పరిచయమవుతున్నాడు. భారీ బడ్జెట్ తో .. భారీ తారాగణంతో ఈ సినిమా నిర్మితమైంది. గ్రామీణ నేపథ్యంలో నడిచే ఈ కథలో, నాగార్జున సరసన నాయికగా, ఆషిక రంగనాథ్ కనిపించనుంది. ‘అమిగోస్’ తరువాత ఆమె చేసిన సినిమా ఇదే. ఆ సినిమాలో గ్లామర్ పరంగా మంచి క్రేజ్ తెచ్చుకున్న ఆమె, ఈ సినిమాలో రొమాంటిక్ రోల్ చేస్తుండటం యూత్ లో ఆసక్తిని పెంచే విషయం.
రీసెంటుగా ఈ సినిమా నుంచి వదిలిన టీజర్ కి మంచి రెస్పాన్స్ వచ్చింది. నాగార్జున ఇమేజ్ కి తగిన సినిమాగా అభిమానులు చెప్పుకుంటున్నారు. గ్రామీణ నేపథ్యంలో రొమాంటిక్ హీరోగా నాగార్జున చేసిన సినిమాలు చాలా వరకూ సక్సెస్ అయ్యాయి. ఇప్పుడు ఈ సినిమా కూడా అదే తరహా కాన్సెప్ట్ తో ప్రేక్షకులను పలకరించనుంది. పల్లెటూరి బుల్లోడిగా .. అక్కడి రాజకీయలను ఎదిరించే మొనగాడిగా .. యువతుల మనసులను దోచే మనోహరుడిగా ఈ సినిమాలో ఆయన కనిపించనున్నాడు.
ఆషిక రంగనాథ్ లుక్ .. ఆమె యాస చూస్తుంటే, ఆమె పాత్రను డిఫరెంట్ గా డిజైన్ చేసినట్టుగా తెలుస్తోంది. ఈ సినిమా తప్పకుండా ఆమె కెరియర్ కి హెల్ప్ అవుతుందని అంటున్నారు. అల్లరి నరేశ్ .. రాజ్ తరుణ్ ముఖ్యమైన పాత్రలను పోషించారు. సంక్రాంతి పండుగ సందర్భంగా ఈ సినిమాను విడుదల చేయనున్నారు. గతంలో సంక్రాంతికి వచ్చిన నాగార్జున సినిమాలు భారీ విజయాలను అందుకున్నాయి. అందువలన ఈ సినిమాకి కూడా ఆ సెంటిమెంట్ వర్కౌట్ అవుతుందేమో చూడాలి.
