ప్రభాస్, బాలీవుడ్ బ్యూటీ దీపికా పడుకునే జంటగా నాగ్ అశ్విన్ రూపొందిస్తున్న పాన్ వరల్డ్ మూవీ ప్రాజెక్ట్ కే. వైజయంతీ మూవీస్ బ్యానర్ పై అశ్వనీదత్ నిర్మిస్తున్న ఈ సినిమా ప్రకటించినప్పటి నుంచి భారీ అంచనాలు ఉన్నాయి. బాహుబలి రికార్డులు క్రాస్ చేసే సత్తా ఈ సినిమాకి ఉందన్నది అందరి నమ్మకం. ప్రభాస్ అభిమానులు అయితే.. ఎప్పుడెప్పుడు ఈ సినిమా వస్తుందా అని ఎదురుచూస్తున్నారు.
అయితే ఇటీవల విడుదల చేసిన దీపికా పడుకునే లుక్ అభిమానులు ఆశించిన స్థాయిలో లేదు. ఇక ఇప్పుడు ప్రభాస్ లుక్ రిలీజ్ చేశారు. యుద్ధ రంగంలో అడుగుపెట్టిన వీరుడిలా ప‌రిచ‌యం చేశారు. అయితే.. ఈ లుక్ సైతం అంతగా ఆకట్టుకోలేదు. ఎవ‌రిదో శ‌రీరానికి ప్రభాస్ త‌ల తీసుకొచ్చి అతికించిన ఫీలింగ్ క‌లిగింది.
ప్రభాస్, దీపికా లుక్ అనుకున్నంతగా ప్రజాదరణ పొందకపోవడంతో ఫస్ట్ టైమ్ సినిమాపై కూడా అనుమానాలు మొదలయ్యాయి. అయితే.. కేవలం లుక్ చూసి ఓ నిర్ణయానికి రావడం కరెక్ట్ కాదని. నాగ్ అశ్విన్ ఈ చిత్రాన్ని అంతర్జాతీయ స్థాయిలో నిలబెట్టాలని ఎంతగానో తపిస్తున్నాడని మరికొందరి వాదన. టీజర్ అండ్ ట్రలర్ రిలీజ్ చేసిన తర్వాత అప్పుడు క్లారిటీ వస్తుంది. లుక్స్ పై వచ్చిన విమర్శలను దృష్టిలో పెట్టుకుని మరింత కేర్ తీసుకుంటారేమో చూడాలి.
