మెగా సెన్సేష‌న్ వైష్ణవ్ తేజ్, క్రియేటివ్ డైరెక్ట‌ర్ క్రిష్ కాంబినేష‌న్‌లో రూపొందుతోన్న లేటెస్ట్ మూవీ ‘కొండపొలం’. రీసెంట్‌గా విడుద‌లైన వైష్ణవ్ తేజ్, రకుల్ ప్రీత్ సింగ్ ఫస్ట్ లుక్ పోస్టర్లకు చాలా మంచి రెస్పాన్స్ వ‌చ్చింది. శుక్రవారం ఈ చిత్రం నుంచి ‘ఓబులమ్మ…’ అనే పాటను చిత్ర యూనిట్ విడుదల చేసింది. ఎం.ఎం.కీరవాణి శ్రావ్య‌మైన బీట్‌ను అద్బుత‌మైన పాటను అందించారు. మ‌మ‌త‌ల త‌ల్లి.. పాట పాడిన సింగ‌ర్ స‌త్య యామిని, పి.వి.ఎన్.ఎస్‌. రోహిత్ పాడిన ఈ పాటను వింటున్న కొద్దీ మ‌రింత గొప్ప‌గా అనిపిస్తుంది.
సంగీత ద‌ర్శ‌కుడిగానే కాదు, రైట‌ర్‌గానూ ఎం.ఎం.కీరవాణి స‌రికొత్త ప‌దాల‌తో రాయ‌ల‌సీమ యాస‌లో ఈ పాటను రాయ‌డం విశేషం. పాట‌లో వ్య‌క్త‌ప‌రిచిన భావాలు ఆలోచ‌నాత్మ‌కంగా ఉన్నాయి. పాట‌కు త‌గ్గ‌ట్లు వైష్ణవ్ తేజ్, రకుల్ ప్రీత్ జోడీ మ‌ధ్య రొమాన్స్ బ్యూటీఫుల్‌గా ఉంది. మాస్ లుక్ గ‌డ్డంతో వైష్ణవ్ తేజ్, గ్రామీణ అమ్మాయిగా రకుల్ ప్రీత్ జోడీ ఓ ఫ్రెష్ లుక్ తీసుకొచ్చింది. జ్ఞాన‌శేఖ‌ర్ సినిమాటోగ్ర‌ఫీ అందించిన ఈ సినిమాలో ప్ర‌తి ప్రేమ్ కంటికి ఇంపుగా కనిపిస్తుంది. అడ‌వి, ప‌ల్లెలోని ప్ర‌తి లొకేష‌న్‌ను సినిమాటోగ్రాప‌ర్ త‌న కెమెరాతో ఓ అంద‌మైన దృశ్యంగా ఆవిష్క‌రించారని తెలుస్తుంది.
ఈ బ్యూటీఫుల్ సాంగ్‌ను భాను కొరియోగ్ర‌ఫీ చేశారు. ఫస్ట్ ఫ్రేమ్ ఎంట‌ర్‌టైన్‌మెంట్స్ బ్యాన‌ర్ ప్రొడ‌క్ష‌న్ నెం.8గా రూపొందిన అడ్వెంచ‌ర‌స్ మూవీ `కొండ పొలం`కు స‌న్న‌పురెడ్డి వెంకట రామిరెడ్డి రాసిన నవల ఆధారం. బిబో శ్రీనివాస్ స‌మ‌ర్ప‌ణ‌లో సాయిబాబు జాగ‌ర్ల‌మూడి, రాజీవ్ రెడ్డి ఈ చిత్రాన్ని నిర్మిస్తున్న ఈ చిత్రంలో మ‌రికొంత ప్ర‌ముఖ ఆర్టిస్టులు న‌టించారు. ‘ఎపిక్ టేల్ ఆఫ్ బిక‌మింగ్‌’ అనే ట్యాగ్‌లైన్‌తో రూపొందుతోన్న ‘కొండపొలం’ చిత్రాన్ని అక్టోబ‌ర్ 8న విడుదల చేస్తున్నారు నిర్మాత‌లు.
