మెగాస్టార్ చిరంజీవి న‌టిస్తున్న లేటెస్ట్ మూవీ గాడ్ ఫాద‌ర్. ఈ చిత్రానికి మోహ‌న్ రాజా ద‌ర్శ‌కత్వం వ‌హిస్తున్నారు. మ‌ల‌యాళంలో విజ‌యం సాధించిన ‘లూసీఫ‌ర్’ కి రీమేక్ ఇది. తెలుగు నేటివిటీకి త‌గ్గ‌ట్టుగా మార్పులు చేర్పులు చేశారు. ఇటీవ‌ల రిలీజ్ చేసిన మోష‌న్ పోస్ట‌ర్ కు అనూహ్య‌మైన స్పంద‌న వచ్చింది. ద‌స‌రాకి ఈ క్రేజీ మూవీని రిలీజ్ చేయ‌డానికి ప్లాన్ చేస్తున్నారు.
ఇక ఈ మూవీ లేటెస్ట్ న్యూస్ ఏంటంటే… ప్రస్తుతం మేకర్స్ ఓ భారీ యాక్షన్ సీక్వెన్స్ షూటింగ్ చేస్తున్నట్టుగా తెలుస్తుంది. ఈ షూట్ లో మెగాస్టార్ చిరంజీవితో సహా బాలీవుడ్ స్టార్ సల్మాన్ ఖాన్ కూడా పాల్గొన్నట్టు స‌మాచారం. పైగా ఈ షూట్ నుంచి ఓ క్రేజీ సీన్ పిక్ కూడా బయటకి వచ్చింది. ఇది అభిమానుల్లో వైరల్ గా మారింది. ఇక ఈ చిత్రానికి సెన్సేష‌న‌ల్ మ్యూజిక్ డైరెక్ట‌ర్ ఎస్ఎస్ థమన్ సంగీతం అందిస్తున్నారు.
సల్మాన్ ఖాన్, పూరి జ‌గ‌న్నాథ్ గెస్ట్ రోల్స్ చేస్తుండ‌డంతో ఈ సినిమా కోసం అభిమానులే కాకుండా సామాన్య ప్రేక్ష‌కులు కూడా ఆస‌క్తిగా ఎదురు చూస్తున్నారు. కొణిదెల ప్రొడ‌క్ష‌న్ కంపెనీ ఈ చిత్రాన్ని అత్యంత ప్ర‌తిష్టాత్మ‌కంగా నిర్మిస్తుంది. ఆచార్య సినిమా అట్ట‌ర్ ఫ్లాప్ అవ్వ‌డంతో గాడ్ ఫాద‌ర్ మూవీ పై అభిమానులు చాలా ఆశ‌లు పెట్టుకున్నారు. మ‌రి.. గాడ్ ఫాద‌ర్ ఎంత వ‌ర‌కు మెప్పిస్తాడో.. ఎలాంటి స‌క్సెస్ సాధిస్తాడో చూడాలి.
