Hot Song: కింగ్ నాగార్జున ఇటీవ‌లే బంగార్రాజు మూవీతో బాక్సాఫీస్ ద‌గ్గర బ్లాక్ బ‌స్టర్ విజయం సాధించిన విషయం తెలిసిందే. ఈ సినిమా ఇచ్చిన కిక్ తో వెంటనే ఘోస్ట్ మూవీలో పాల్గొంటున్నారు. ప్రవీణ్ సత్తారు ఈ చిత్రానికి ద‌ర్శక‌త్వం వ‌హిస్తున్నారు. ప్రస్తుతం దుబాయ్ లో ఈ మూవీ షూటింగ్ జ‌రుపుకుంటోంది. ఇటీవ‌ల రిలీజ్ చేసిన ఘోస్ట్ వ‌ర్కింగ్ స్టిల్స్ కు ట్రెమండ‌స్ రెస్పాన్స్ వ‌చ్చింది. ఈ స్టిల్స్ సోష‌ల్ మీడియాలో వైర‌ల్ అయ్యాయి.
ఇదిలా ఉంటే.. ప్రస్తుతం దుబాయ్ లో నాగార్జున, సోనాల్ జంటపై హాట్ సాంగ్ ని తెరకెక్కిస్తున్నారు. ఈ విష‌యాన్ని ఘోస్ట్ టీమ్ అధికారికంగా ప్రకటించింది. అంతే కాకుండా పాట చిత్రీక‌రిస్తున్న వ‌ర్కింగ్ స్టిల్ రిలీజ్ చేసింది. ఈ స్టిల్ చూస్తుంటే.. డైరెక్టర్ ప్రవీణ్ సత్తారు కాస్త ఘాటుగానే ఈ సాంగ్ ప్లాన్ చేశారని అర్థమవుతోంది. సోనాల్ బికినీల్లో ఉన్న ఈ స్టిల్ చూస్తుంటే.. థియేటర్లలో కుర్రకారు గుండెల్లో గుబులు పుట్టించ‌డం ఖాయం అనిపిస్తోంది. ఈ చిత్రాన్ని శ్రీ వెంకటేశ్వర సినిమాస్ ఎల్ఎల్పి.. నార్త్ స్టార్ ఎంటర్టైన్ మెంట్ బ్యానర్ ల పై నారాయణ్ దాస్ కె నారంగ్, పుస్కూర్ రామ్ మోహన్ రావు, శరత్ మరార్ సంయుక్తంగా నిర్మిస్తున్నారు. దుబాయ్ షెడ్యూల్ పూర్తైన త‌ర్వాత ఈ మూవీ విడుద‌ల ఎప్పుడు అనేది ప్రక‌టించ‌నున్నార‌ని స‌మాచారం.
