అల్లు అర్జున్ హీరోగా డైరెక్టర్ సుకుమార్ తెరకెక్కించిన చిత్రం పుష్ప సృష్టించిన రికార్డులు, కలెక్షన్ల గురించి ప్రత్యేకంగా చెప్పాల్సిన అవసరం లేదు. ఈ సినిమా ప్రపంచ వ్యాప్తంగా ప్రేక్షకులపై చూపించిన ఇంపాక్ట్ అంతా ఇంతా కాదు. దీని సీక్వెల్ గా రూపొందుతోన్న ‘పుష్ప 2’ ప్రస్తుతం శరవేగంగా షూటింగ్ జరుపుకుంటోంది. మైత్రి మూవీస్ ఇన్ అసోసియేట్ విత్ సుకుమార్ రైటింగ్స్ బ్యానర్ పై నవీన్ ఎర్నేని, రవి శంకర్ యలమంచిలి నిర్మిస్తున్నారు.
రేపు (08-04-2023) ఐకాన్ స్టార్ అల్లు అర్జున్ బర్త్ డే సందర్భంగా పుష్ప2 (ది రూల్) నుంచి ‘హంట్ ఫర్ పుష్ప’ అనే కాన్సప్ట్ వీడియో రిలీజ్ చేసింది చిత్రం బృందం.
“పుష్ప ఏమి చేసి దుడ్డు సంపాదిస్తున్నాడో చెబుతున్నారు కానీ,
సంపాదించిన దుడ్డు ఏమి చేస్తున్నాడో చెబుతున్నారా.?” లాంటి డైలాగ్స్ పుష్ప లోని మరో కోణాన్ని ఆవిష్కరించాయి.
“అడవిలో జంతువులు రెండు అడుగులు వెనక్కు వేసాయంటే పులి వచ్చింది అని అర్థం, అదే పులి రెండు అడుగులు వెనక్కు వేసిందంటే పుష్ప వచ్చుండాడు అని అని అర్థం” అనే డైలాగ్ తో పుష్ప కేరక్టర్ ను అమాంతం ఎలివేట్ చేసి ప్రేక్షకులకు కిక్ ఇచ్చారు మేకర్స్. 3 నిమిషాల 17 సెకన్ల నిడివి ఉన్న ఈ “హంట్ ఫర్ పుష్ప” కాన్సెప్ట్ వీడియో గూస్ బమ్స్ తెప్పించి, సినిమా మీద అంచనాలను పెంచేసింది. మొత్తానికి పుష్ప తరహాలోనే “పుష్ప” ను మించి “పుష్ప: ది రూల్” ప్రకంపనలు సృష్టించనుంది.
