బాలీవుడ్ నుంచి ఈమధ్య కాలంలో భారీ వెబ్ సిరీస్ లు వస్తున్నాయి. ఎక్కువగా వారు యాక్షన్ జోనర్లోని కథలను ఎంచుకుంటున్నారు. ముఖ్యంగా పోలీస్ కథలతో ముందుకు వెళుతున్నారు. బాలీవుడ్ సినిమాల్లోని భారీ యాక్షన్ సీక్వెన్స్ కి ఎంతమాత్రం తగ్గకుండా ఈ సిరీస్ లు ఉంటున్నాయి. బాలీవుడ్ లో మంచి క్రేజ్ ఉన్న స్టార్స్ ఈ సిరీస్ లలో ప్రధానమైన .. కీలకమైన పాత్రలను పోషిస్తూ అంచనాలు పెంచుతున్నారు.
అలా భారీతనమే ప్రధానమైన ఆకర్షణగా రూపొందిన ‘ఇండియన్ పోలీస్ ఫోర్స్’ నిన్నటి నుంచి అమెజాన్ ప్రైమ్ లో స్ట్రీమింగ్ అవుతోంది. రోహిత్ శెట్టి దర్శకత్వం వహించిన ఈ వెబ్ సిరీస్ లో సిద్ధార్థ్ మల్హోత్రా .. వివేక్ ఒబెరాయ్ … శిల్పా శెట్టి ప్రధానమైన పాత్రలను పోషించారు. లిజో జార్జ్ – చేతస్ సంగీతాన్ని సమకూర్చిన ఈ సిరీస్ కోసం చాలా రోజులుగా చాలామంది వెయిట్ చేస్తున్నారు. కాస్త మసాలా జోడించిన యాక్షన్ సిరీస్ ను ఇష్టపడేవారు ఈ సిరీస్ చూడొచ్చు.
ఢిల్లీ నగరంలోని ప్రధానమైన కూడళ్లలో .. జన సంచారం ఎక్కువగా ఉన్న ప్రదేశాలలో ఒకే రోజున వరుస బాంబు పేలుళ్లు జరుగుతాయి. ఢిల్లీ పోలీసులు ఒక దగ్గర నుంచి మరొక దగ్గరికి వెళ్ళేలోగా జరగాల్సిన అనర్థం జరిగిపోతూ ఉంటుంది. ఆ పేలుళ్లకు పాల్పడినదెవరు? అది తెలుసుకున్న ఢిల్లీ పోలీస్ ఫోర్స్ ఏం చేస్తుంది? అనే అంశాల చుట్టూ ఈ కథ తిరుగుతుంది.యాక్షన్ బ్లాక్స్ ను డిజైన్ చేసిన తీరు ఈ సిరీస్ కి హైలైట్ అనే చెప్పాలి.
