చింతా గోపాలకృష్ణా రెడ్డి స‌మ‌ర్ప‌ణ‌లో శతమానం భవతి ఆర్ట్స్ బ్యాన‌ర్‌పై సతీశ్ వేగేశ్న ద‌ర్శ‌క‌త్వంలో రూపొందుతోన్న చిత్రం ‘కథా కేళి’. కొత్త, పాత నటీనటులతో ఈ చిత్రాన్ని రూపొందించారు. త్వరలో కథాకేళి ప్రేక్షకుల ముందుకు రానుంది. ఈ సందర్భంగా కళాకేళి టీజర్ రిలీజ్ చేశారు. ఈ టీజర్ లాంచ్ ఈవెంట్‌లో ‘కథా కేళి’ మూవీ లోగోను అగ్ర నిర్మాత దిల్ రాజు విడుద‌ల చేశారు. టీజ‌ర్‌ను స్టార్ డైరెక్ట‌ర్ హ‌రీశ్ శంకర్ విడుద‌ల చేశారు.
ఈ సందర్భంగా అగ్ర నిర్మాత దిల్ రాజు మాట్లాడుతూ… ‘‘వినాయ‌క్‌, హ‌రీశ్ శంకర్, సతీశ్ వేగేశ్న చాలా మంది మా గుడిలో ఉన్నప్పుడు శతమానం భవతి కథ గురించి మాట్లాడుతూ టైటిల్ గురించి అడిగిన‌ప్పుడు వినాయ‌క్‌, హ‌రీశ్ చాలా బావుంటుంద‌ని అన్నారు. ఆ శతమానం భవతి సినిమా మా బ్యానర్‌లో జాతీయ అవార్డును గెలుచుకుంది. ఇప్పుడ‌దే పేరుతో సతీశ్ బ్యాన‌ర్ పెట్ట‌టం చాలా సంతోషంగా ఉంది. చాలా పాజిటివ్‌గా అనిపించింది. సతీశ్ స‌హా అందరికీ ఆల్ ది బెస్ట్‌. కొత్త, పాత నటీనటులు, సాంకేతిక నిపుణుల క‌ల‌యిక‌లో సతీశ్ చేసిన ప్ర‌య‌త్నం పెద్ద హిట్ కావాల‌ని కోరుకుంటున్నాను. ‘కథా కేళి’ టీజర్ చూస్తుంటే సతీశ్ కొత్త ప్ర‌య‌త్నం చేసిన‌ట్లు అనిపించింది. సినిమా విజ‌యం సాధించి అందరికీ మంచి జ‌ర‌గాల‌ని కోరుకుంటున్నాను’’ అన్నారు.
హ‌రీశ్ శంకర్ మాట్లాడుతూ.. ‘శతమానం భవతి’ అనే టైటిల్ మా అందరికీ ఎంతో ఇంపార్టెంట్. నేను డీజే షూటింగ్ చేస్తున్న‌ప్పుడు దిల్ రాజు చిన్న పిల్లాడిలా ప‌రిగెత్తుకొచ్చి మ‌నం నేష‌న‌ల్ అవార్డు కొట్టాం అని అన్నారు. చాలా సంతోప‌డ్డాం. చాలా సంవ‌త్స‌రాల త‌ర్వాత తెలుగు సినిమాను జాతీయ స్థాయికి తీసుకెళ్లి మన అంద‌రినీ గ‌ర్వ‌ప‌డేలా చేసిన సినిమా శతమానం భవతి. స‌తీశ్‌గారికి మ‌న‌స్ఫూర్తిగా నా కృత‌జ్ఞ‌త‌లు. నేను డైరెక్ట‌ర్ కాక ముందు నుంచి ఆయ‌న స‌క్సెస్‌ఫుల్ రైట‌ర్‌. అప్ప‌టి నుంచే మా జ‌ర్నీ స్టార్ట్ అయ్యింది. తెలుగు ఫిల్మ్ ఛాంబ‌ర్ ప్రెసిడెంట్‌గా యూనానిమ‌స్‌గా గెలిచిన దిల్ రాజుగారికి మ‌రోసారి మ‌న‌స్ఫూర్తిగా అభినందనలు తెలియ‌జేస్తున్నాను. ఇందులో నటించిన నటీనటులు, సాంకేతిక నిపుణులకు అభినందనలు. కథాకేళి సినిమా టీజర్ చూస్తుంటే సినిమా మంచి పేరు, లాభాలను తెచ్చి పెడుతుందని భావిస్తున్నాను’’ అన్నారు.
