లెజెండరీ దర్శకుడు, దివంగత కోడి రామకృష్ణ పెద్ద కూతురు కోడి దివ్య దీప్తి నిర్మాతగా మారారు. కోడి దివ్య ఎంటర్టైన్మెంట్స్ పతాకంపై తొలి సినిమాకు శ్రీకారం చుట్టారు. కిరణ్ అబ్బవరం హీరోగా ఈ సినిమా తెరకెక్కబోతుంది. విభిన్న కథాంశంతో రూపొందే ఈ చిత్రంతో కార్తీక్ శంకర్ దర్శకుడిగా పరిచయం కాబోతున్నారు. జూలై 15న కిరణ్ పుట్టినరోజు సందర్భంగా ఈ సినిమాను ప్రకటించారు కోడి దివ్య. మెలోడీ బ్రహ్మ మణిశర్మ సంగీతం అందించ నున్నారు.
కిరణ్ అబ్బవరం నటిస్తున్న 5వ సినిమా ఇది. ప్రస్తుతం ప్రీ ప్రొడక్షన్ వర్క్ జరుపుకుంటుంది. ఈ సినిమాకు సంబంధించిన మరిన్ని విశేషాలను త్వరలోనే చిత్రయూనిట్ తెలియజేయనున్నారు. హీరో: కిరణ్ అబ్బవరం, సాంకేతిక నిపుణులు: కథ, స్క్రీన్ ప్లే, దర్శకత్వం: కార్తీక్ శంకర్, బ్యానర్: కోడి దివ్య ఎంటర్టైన్మెంట్స్, నిర్మాత: కోడి దివ్య దీప్తి, సంగీతం: మణి శర్మ
