Saurya in Summer race: వైవిధ్యమైన సబ్జెక్టులతో విభిన్న పాత్రలు పోషిస్తున్న యువ హీరో నాగ శౌర్య. ప్రస్తుతం ఐరా క్రియేషన్స్ బ్యానర్లో అనీష్ ఆర్. కృష్ణ దర్శకత్వంలో రామ్-కామ్ చిత్రంలో నటిస్తున్నాడు. ఈరోజు ఈ సినిమా విడుదల తేదీని మేకర్స్ ప్రకటించారు. వేసవి కానుకగా ఏప్రిల్ 22న ప్రపంచ వ్యాప్తంగా ‘కృష్ణ వ్రింద విహారి‘ విడుదల కానుంది. ఈ సందర్భంగా విడుదల చేసిన పోస్టర్లో నాగ శౌర్య, చిత్ర నాయిక షిర్లీ సెటియా స్కూటర్ పై వెళుతున్నట్లు కనిపిస్తోంది.
శౌర్య, షిర్లీ సెటియా ఇద్దరూ సంప్రదాయ దుస్తుల్లో ఉన్నారు. ఈ సినిమా టైటిల్, ఫస్ట్ లుక్ పోస్టర్ కి అద్భుతమైన స్పందన వచ్చింది. తొలిసారిగా నాగశౌర్య ఈ తరహా పాత్రను పోషిస్తున్నాడు. ఇంతకు ముందు సినిమాలలో అతని పాత్రలకు భిన్నంగా, వినోదభరితమైన పాత్రలో కనిపించనున్నాడు.
ఈ చిత్రాన్ని ఉషా ముల్పూరి నిర్మిస్తుండగా, శంకర్ ప్రసాద్ ముల్పూరి సమర్పిస్తున్నారు. మహతి స్వర సాగర్ స్వరాలు సమకూరుస్తుండగా, సాయి శ్రీరామ్ సినిమాటోగ్రఫీ అందిస్తున్నారు.
