ఈరోజుల్లో.. అనే చిన్న సినిమాతో పెద్ద విజ‌యం సాధించి ఇండ‌స్ట్రీలో సెన్సేష‌న్ క్రియేట్ చేశాడు మారుతి. ఇక ఆత‌ర్వాత నుంచి బ‌స్టాఫ్, ప్రేమ‌క‌థా చిత్ర‌మ్, భ‌లే భ‌లే మ‌గాడివోయ్, మ‌హానుభావుడు, ప్ర‌తి రోజూ పండ‌గే.. ఇలా స‌క్సెస్ ఫుల్ మూవీస్ అందించాడు. ఇప్పుడు యాక్ష‌న్ హీరో గోపీచంద్ తో ప‌క్కా క‌మ‌ర్షియ‌ల్ అనే సినిమాను తెర‌కెక్కించాడు. అయితే… గ‌త కొన్ని రోజ‌లుగా మారుతి.. మెగాస్టార్ చిరంజీవితో సినిమా చేయ‌నున్న‌ట్టుగా వార్తలు వ‌చ్చాయి.
అలాగే పాన్ ఇండియా స్టార్ ప్ర‌భాస్ తో కూడా సినిమా చేయ‌నున్న‌ట్టుగా వార్తలు వ‌చ్చాయి. రీసెంట్ గా ప‌క్కా క‌మ‌ర్షియ‌ల్ మూవీలో స్వ‌యంగా చిరంజీవే… మారుతితో సినిమా చేయ‌నున్న‌ట్టుగా అంద‌రి ముందు ప్ర‌క‌టించారు. అంతే కాకుండా.. వ‌ర్క్ స్టార్ట్ చేయ‌మ‌ని కూడా చెప్పారు మెగాస్టార్. మ‌రో వైపు ప్ర‌భాస్ తో సినిమా గురించి కూడా గ‌ట్టిగానే టాక్ వినిపిస్తోంది. దీంతో మారుతి ముందుగా చిరంజీవితో సినిమా చేస్తాడా..? లేక ప్ర‌భాస్ తో సినిమా చేస్తాడా..? అనేది ఆస‌క్తిగా మారింది.
ఇదే విష‌యం గురించి మారుతిని అడిగితే… ప్ర‌స్తుతం నా దృష్టి అంతా ప‌క్కా క‌మ‌ర్షియ‌ల్ పైనే ఉంది. ఈ సినిమా రిలీజైన 20 రోజుల త‌ర్వాత కొత్త సినిమా పై క్లారిటీ వ‌స్తుంది. చిరంజీవిని ఎలా చూపించాలి..? ప్ర‌భాస్ తో ఎలాంటి కథ అయితే బాగుంటుంది..? అనే విష‌యాల్లో ఫుల్ క్లారిటీ ఉంది. అయితే.. చిరంజీవితో చేసినా.. ప్ర‌భాస్ తో చేసినా.. సినిమా ఎలా ఉంటే ప్రేక్ష‌కుల ఎంజాయ్ చేస్తారో అలా ఉంటుంది అన్నారు మారుతి. సో.. క్లారిటీ రావాలంటే కొన్ని రోజులు వెయిట్ చేయాల్సిందే.
Also Read : మారుతితో సినిమా చేయడానికి నేను రెడీ: మెగాస్టార్
