చిరంజీవి ప్రస్తుతం ‘భోళా శంకర్’ మూవీ చేస్తున్నారు. మెహర్ రమేష్ డైరెక్ట్ చేస్తున్న మూవీ ఆగష్టు 11న విడుదల కానుంది. ఈ సినిమా తర్వాత కళ్యాణ్ కృష్ణతో సినిమా చేయనున్నారు. ఈ చిత్రాన్ని మెగా డాటర్ సుస్మిత కొణిదెల నిర్మించనుంది. ప్రస్తుతం ప్రీ ప్రొడక్షన్ వర్క్ జరుపుకుంటుంది. చిరంజీవి పుట్టినరోజైన ఆగష్టు 22న ఈ చిత్రాన్ని అఫిషియల్ గా అనౌన్స్ చేయనున్నారు. అయితే.. ఈ సినిమాలో చిరంజీవి పాస్ పోర్ట్ ఆఫీసర్ గా నటించనున్నారని ఓ వార్త బయటకు వచ్చింది. ఇది సినిమా పై మరింత ఆసక్తిని కలిగిస్తోంది.
ఇప్పటి వరకు చిరంజీవి పాస్ట్ పోర్ట్ ఆఫీసర్ గా నటించలేదు. ఫస్ట్ టైమ్ ఈ తరహా క్యారెక్టర్ చేస్తున్నారు. దీంతో అసలు కథ ఏమై ఉంటుంది అనేది ఆసక్తిగా మారింది. ఇక ఈ సినిమాలో మరో యంగ్ హీరో క్యారెక్టర్ ఉందని.. ఆ పాత్రను సిద్దు జొన్నలగడ్డతో చేయించాలి అనుకుంటున్నారని వార్తలు వచ్చాయి. ఆతర్వాత సిద్దు ఈ ప్రాజెక్ట్ నుంచి తప్పుకున్నాడని కూడా టాక్ వచ్చింది. ఇంతకీ విషయం ఏంటంటే.. సిద్దు ఈ సినిమాలో నటించడానికి ఓకే చెప్పాడట. కాకపోతే బిజీగా ఉండడం వలన డేట్స్ అడ్జెస్ట్ కావడం లేదట.
అందుకనే సిద్దు డేట్స్ అడ్జెస్ట్ కాకపోతే ఆ పాత్రను మరో యంగ్ హీరోతో చేయించాలి అనుకుంటున్నారట. ఇక మరో విషయం ఏంటంటే.. ఈ చిత్రం మలయాళ సినిమా బ్రో డాడీ సినిమాకి రీమేక్ అంటూ ప్రచారం జరుగుతుంది కానీ.. అలాంటిది ఏమీ లేదని.. ఇది స్ట్రైయిట్ మూవీ అని సమాచారం. ఈ చిత్రానికి కథను బెజవాడ ప్రసన్న అందించాడని తెలిసింది. ఇందులో చిరుకు జంటగా త్రిష కన్ ఫర్మ్ అయ్యింది. అలాగే సిద్దుకు జంటగా శ్రీలీలను ఎంచుకున్నారు. అయితే.. సిద్దు ఇందులో నటిస్తాడా..? లేదా..? అనేది క్లారిటీ రావాల్సివుంది.
