ప్రభాస్ కథానాయకుడిగా .. ఆయన కెరియర్లో తొలి సైన్స్ ఫిక్షన్ సినిమాగా ‘కల్కి 2898 AD’ రూపొందుతోంది. వైజయంతీ మూవీస్ బ్యానర్లో ఈ సినిమా నిర్మితమవుతోంది. ఈ బ్యానర్లో ఈ స్థాయి బడ్జెట్ తో సినిమా రూపొందుతుండటం ఇదే మొదటిసారి. ఇది పాన్ ఇండియా సినిమా కాదు .. పాన్ వరల్డ్ మూవీ అని నాగ్ అశ్విన్ చెప్పిన దగ్గర నుంచి అభిమానులంతా ఆసక్తితో ఎదురుచూస్తున్నారు. ఇక ఈ సినిమా కోసం ఎంపిక చేయబడిన తారాగణం కూడా మరింత కుతూహలం పెరగడానికి కారణమవుతోంది.
ప్రభాస్ .. దీపికా పదుకొణె .. దిశాపటానీ .. అమితాబ్ .. కమల్ ప్రధానమైన పాత్రలలో కనిపించ నున్నారు. ఆ పాత్రల లుక్స్ పూర్తి డిఫరెంట్ గా ఉండటం ఆసక్తిని పెంచే అంశం. ఇప్పటికే ఈ సినిమా నుంచి ప్రభాస్ .. అమితాబ్ పాత్రలకి సంబంధించిన అప్ డేట్స్ తో ఆడియన్స్ కి ఒక క్లారిటీ వచ్చింది. ఈ సినిమాను జూన్ 27వ తేదీన ప్రపంచవ్యాప్తంగా విడుదల చేయనున్నారు. అందువలన ఇక ప్రమోషన్స్ వేగాన్ని పెంచనున్నారు.
ఈ ప్రమోషన్స్ లో భాగంగానే ఇప్పుడు దీపికా పాత్రను పరిచయం చేస్తూ టీజర్ ను వదలనున్నారు. అందుకు సంబంధించిన హింట్ ప్రభాస్ నుంచి రావడంతో ఫ్యాన్స్ ఉత్సాహాన్ని చూపుతున్నారు. త్వరలో కమల్ పాత్రను కూడా పరిచయం చేయనున్నారు. ఆ తరువాత ఇంటర్వ్యూలు .. ఈవెంట్స్ ను ప్లాన్ చేస్తున్నారు. సైన్స్ ఫిక్షన్ జోనర్ కావడం ఒక విశేషమైతే .. అది ఇతిహాసంతో ముడిపడినది కావడం మరో విశేషం. ప్రభాస్ కెరియర్లో ఈ సినిమా ప్రత్యేకమైన స్థానంలో నిలవడం ఖాయమనే అభిప్రాయాలు వినిపిస్తున్నాయి. ప్రభాస్ క్రేజ్ కి తగిన హిట్ ను ఈ సినిమా ఇస్తుందేమో చూడాలి.
