నాగచైతన్య నటించిన ‘కస్టడీ’ చిత్రం ఏమాత్రం ఆకట్టుకోలేకపోయింది. దీంతో నెక్ట్స్ మూవీ ఎవరితో..? ఎప్పుడు..? అనేది ఆసక్తిగా మారింది. చందు మొండేటి డైరెక్షన్ లో నాగచైతన్య సినిమా చేయనున్నాడు. ఈ చిత్రాన్ని జీఏ 2 పిక్చర్స్ బ్యానర్ పై బన్నీ వాసు నిర్మించనున్నారు. అయితే.. 2018 సినిమా తెలుగులో గీతా సంస్థ ద్వారా రిలీజైంది. ఈ సినిమా ప్రమోషన్స్ లో భాగంగా బన్నీ వాసు ఇచ్చిన ఇంటర్ వ్యూలో చైతన్యతో సినిమా చేయనున్నట్టుగా ప్రకటించారు. దీంతో ఇప్పటి వరకు ప్రచారంలో ఉన్న ఈ ప్రాజెక్ట్ కన్ ఫర్మ్ అయ్యింది.
ఇక అసలు విషయానికి వస్తే.. ఈ సినిమా సముద్రం బ్యాక్ డ్రాప్ లో ఉంటుందని.. ఇది కొన్ని యదార్థ సంఘటనలు ఆధారంగా తయారు చేసిన కథ అని చెప్పారు. అంతే కాకుండా ఈ సినిమాలో చైతన్య బోటు డ్రైవర్ గా నటిస్తాడని అన్నారు. చైతన్య ఎక్కువ శాతం గళ్ల చొక్కా, చారల పంచతో కనిపించనున్నాడని.. ఇప్పటి వరకు ఇలాంటి క్యారెక్టర్ చేయలేదు. దీంతో ఈ వార్త బయటకు వచ్చినప్పటి నుంచి ఈ సినిమా పై మరింత ఆసక్తి ఏర్పడింది. ఈ చిత్రానికి దాదాపు 60 కోట్ల బడ్జెట్ అవుతుందని సమాచారం.
చైతన్య 60 కోట్ల బడ్జెట్ తో సినిమా చేయలేదు. ఇదే చైతన్య కెరీర్ లో హయ్యస్ట్ బడ్జెట్ మూవీ అవుతుతుంది. ప్రస్తుతం ఈ చిత్రానికి సంబంధించిన ప్రీ ప్రొడక్షన్ వర్క్ జరుగుతుంది. జులై నుంచి ఈ మూవీని సెట్స్ పైకి తీసుకెళ్లేందుకు ప్లాన్ చేస్తున్నారు. ఇందులో నటించే హీరోయిన్ ఎవరు అనేది ఇంకా కన్ ఫర్మ్ కాలేదు. అంతా సెట్ అయిన తర్వాత పూర్తి వివరాలతో ఈ సినిమాని ప్రకటించనున్నారు. మరి.. సరైన సక్సెస్ కోసం ఎదురు చూస్తున్న నాగచైతన్య ఈ సినిమాతో మళ్లీ ట్రాక్ లోకి వస్తాడేమో చూడాలి.
