హ్యాండ్సమ్ హీరో నాగశౌర్య, టాలెంటెడ్‌ డైరెక్టర్‌ అనీష్‌కృష్ణ కాంబినేషన్‌లో ఐరా క్రియేషన్స్‌ పతాకం పై తెరకెక్కుతున్న రొమాంటిక్‌ ఎంటర్‌టైనర్‌ మూవీ షూటింగ్‌ ప్రస్తుతం హైదరాబాద్‌లో శరవేగంగా జరుగుతుంది. ఈ సందర్భంగా ఈ సినిమా వర్కింగ్‌ స్టిల్‌ను హీరో నాగశౌర్య షేర్‌ చేశారు. ఈ వర్కింగ్‌ స్టిల్‌ బట్టి ఈ సినిమాలో నాగశౌర్య, బ్రహ్మాజీల మధ్య సన్నివేశాలు హైలైట్‌గా ఉంటాయని తెలుస్తుంది.
ఈ సినిమా వర్కింగ్‌ స్టిల్‌ను షేర్‌ చేస్తూ బ్రహ్మాజీని నాగౌశర్య తమ్ముడు అని సంభోదించడం ఈ సినిమాలోని వినోదం ఎంత హిలేరియస్‌ అర్థం చేసుకోవచ్చు. ‘‘ నా తమ్ముడు బ్రహ్మాజీ కొత్తగా ఇండస్ట్రీకి వచ్చాడు. మీ అందరి సపోర్ట్‌ తనకి కావాలి. దయచేసి కొత్త ప్రతిభావంతులను ప్రోత్సహించండి’’ అని ట్వీట్‌ చేశారు నాగశౌర్య. తన గత సినిమాలో ఎప్పుడు చేయని ఓ ప్రత్యేకమైన హీరో క్యారెక్టర్‌లో ఈ సినిమాలో క‌నిపించ‌నున్నారు నాగశౌర్య. ఆయ‌న క్యారెక్టర్‌ ఆసక్తికరంగా ఉండ‌బోతుంది. ఈ చిత్రంలో నాగశౌర్యకు జోడీగా షీర్లే సేతియా న‌టిస్తోంది. ఒకప్పటి ప్రముఖ హీరోయిన్, ప్రముఖ క్యారెక్టర్‌ ఆర్టిస్టు రాధిక ఈ చిత్రంలో ఓ కీలక పాత్ర పోషిస్తున్నారు.
శంకర్‌ ప్రసాద్‌ ముల్పూరి సమర్పణలో ఉషా ముల్పూరి నిర్మిస్తున్న ఈ సర్‌ప్రైజింగ్‌ ఫ్యామిలీ ఎంటర్‌టైనర్‌కు టైటిల్‌ ఇంకా ఖరారు కావాల్సి ఉంది. ‘వెన్నెల’ కిశోర్, రాహుల్‌ రామకృష్ణ, సత్యల కామెడీ హీలేరియస్‌గా ఉండ‌బోతోంది. మహతి స్వరసాగర్‌ సంగీతం అందిస్తున్న ఈ చిత్రానికి సాయి శ్రీరామ్‌ ఛాయగ్రాహకులు. నాగశౌర్య, షీర్లే సేతియా, రాధిక, ‘వెన్నెల’ కిశోర్, రాహుల్‌ రామకృష్ణ, బ్రహ్మాజీ, సత్య తదితరులు ఈ చిత్రంలో నటిస్తున్నారు.
