అక్కినేని నాగార్జున చాలా గ్యాప్ తర్వాత ‘నా సామి రంగ’ అనే చిత్రాన్ని అనౌన్స్ చేశారు. అంతే కాకుండా.. ఈ మూవీ టైటిల్ తో పాటు గ్లింప్స్ కూడా రిలీజ్ చేశారు. దీనికి అదిరిపోయే రెస్పాన్స్ వచ్చింది. ఈ మూవీతో కొరియోగ్రాఫర్ విజయ్ బిన్నిని దర్శకుడిగా పరిచయం చేస్తున్నారు. చిట్టూరి శ్రీనివాస్ ఈ చిత్రాన్ని నిర్మిస్తున్నారు. నాగ్ పుట్టినరోజు సందర్భంగా ఈ మూవీని ప్రకటించారు. ఈ నెలలో సెట్స్ పైకి వస్తుందని అన్నారు. అయితే.. ఈ సినిమా గురించి ఎలాంటి అప్ డేట్ లేదు. దీంతో ఈ సినిమా సెట్స్ పైకి వచ్చిందా..? లేదా..? అని అభిమానులు టెన్షన్ పడుతున్నారు.
కారణం ఏంటంటే.. ఈ చిత్రాన్ని సంక్రాంతికి విడుదల చేయనున్నట్టుగా ప్రకటించారు. అందుచేత షూటింగ్ మొదలయ్యిందా లేదా అని ఆరా తీస్తున్నారు. ఇంతకీ అప్ డేట్ ఏంటంటే.. ప్రస్తుతం నా సామి రంగ పాటల రికార్డింగ్ చేస్తున్నారు. కీరవాణి సంగీత దర్శకత్వంలో ఈ పాటలను రికార్డ్ చేస్తున్నారు. ఈ వారంలో ఈ పాటల రికార్డింగ్ కంప్లీట్ కానుంది. ఆతర్వాత నెక్ట్స్ వీక్ నుంచి ఈ మూవీని సెట్స్ పైకి తీసుకురానున్నారని సమాచారం. ఇక అప్పటి నుంచి ఎలాంటి గ్యాప్ లేకుండా షూటింగ్ చేసేలా ప్లాన్ చేశారు. ఇందులో ఇద్దరు హీరోయిన్స్.. ఆ ఇద్దరు ఎవరు అనేది త్వరలో ప్రకటించనున్నారు.
సోగ్గాడే చిన్ని నాయనా, బంగార్రాజు అంటూ సంక్రాంతికి వచ్చి నాగ్ బ్లాక్ బస్టర్ సక్సెస్ సాధించారు. అందుకునే సెంటిమెంట్ ప్రకారం ఈ చిత్రాన్ని సంక్రాంతికి రిలీజ్ చేయాలని నాగ్ ఫిక్స్ అయ్యారు. మరి.. నా సామి రంగ సినిమాతో కూడా సక్సెస్ సాధించి మళ్లీ ఫామ్ లోకి వస్తారేమో చూడాలి.
