ఐకాన్ స్టార్ అల్లు అర్జున్, క్రియేటీవ్ డైరెక్టర్ సుకుమార్ కాంబినేషన్లో ఆర్య, ఆర్య 2, పుష్ప చిత్రాలు రూపొందాయి. అయితే… ఆర్య, ఆర్య 2 చిత్రాలు ఒక ఎత్తు అయితే.. పుష్ప మరో ఎత్తు అని చెప్పచ్చు. పుష్ప సినిమా అటు బన్నీ, ఇటు సుక్కు ఇద్దరికీ ఫస్ట్ పాన్ ఇండియా మూవీనే. ఈ సినిమా ఇద్దరికీ మంచి పేరు తీసుకువచ్చింది. దీంతో పుష్ప 2 కోసం సౌత్ జనాలే కాదు.. నార్త్ జనాలు కూడా ఈగర్ గా వెయిట్ చేస్తున్నారు. ఇటీవలే వైజాగ్, హైదరాబాద్ లో కీలక సన్నివేశాల చిత్రీకరణ జరుపుకుంది.
అల్లు అర్జున్ పుట్టినరోజు సందర్భంగా ఏప్రిల్ 8న పుష్ప 2 టీజర్ రిలీజ్ చేయడానికి ప్లాన్ చేస్తున్నారు. ఈ సినిమా బిజినెస్ సర్కిల్ లో క్రేజ్ కూడా పెరుగుతుంది. దిగ్గజ స్ట్రీమింగ్ యాప్ సంస్థ నెట్ ఫ్లిక్స్ ఈ సినిమాపై ఎక్కువ ఆసక్తి కనబరుస్తోంది. మేకర్స్ ఓటీటీ కోసం 200 కోట్లు అడుగుతున్నారట. నెట్ ఫ్లిక్స్ అంత అమౌంట్ ఇచ్చేందుకు కూడా రెడీగా ఉందనే టాక్ వినిపిస్తోంది. ఇదే కనుక జరిగితే.. పుష్ప 2 ఓటీటీలో భారీ రేటుతో సరికొత్త రికార్డ్ సెట్ చేయడం ఖాయం.
ఈ సినిమాకి ఉన్న క్రేజ్ ను దృష్టిలో పెట్టుకుని బడ్జెట్ పరంగా ఎలాంటి పరిమితులు పెట్టుకోకుండా నిర్మిస్తున్నారట. మైత్రీ మూవీ మేకర్స్ అత్యంత ప్రతిష్టాత్మకంగా నిర్మిస్తున్న ఈ సినిమాకు రాక్ స్టార్ దేవిశ్రీప్రసాద్ సంగీతం అందిస్తున్నారు.
Also Read : ‘పుష్ప 2’ లో ఫిదా బ్యూటీ నిజమేనా..?
