ఎన్టీఆర్ ‘ఆర్ఆర్ఆర్’ తర్వాత కొరటాల శివతో సినిమా చేయనున్నట్టుగా ప్రకటించారు. ఆర్ఆర్ఆర్ మూవీలో కొమరం భీమ్ గా నట విశ్వరూపం చూపించడంతో నార్త్ లో మంచి క్రేజ్ ఏర్పడింది. దీంతో అక్కడ కూడా ఎన్టీఆర్ నెక్ట్స్ మూవీ కోసం ఆతృతగా ఎదురు చూస్తున్నారు. అయితే.. కొరటాల శివతో మూవీని ప్రకటించారు కానీ.. ఇప్పటి వరకు సెట్స్ పైకి వెళ్లలేదు. దీంతో యంగ్ టైగర్ అభిమానులు ఎప్పుడెప్పుడు కొరటాలతో మూవీ గురించి అప్ డేట్ ఇస్తారా అని ఆతృతగా ఎదురు చూస్తున్నారు. అయితే.. న్యూయర్ సందర్భంగా ఎన్టీఆర్ అప్ డేట్ ఇచ్చారు కానీ.. ఈ అప్ డేట్ తో అభిమానులు షాక్ అయ్యేలా చేశారు.
ఇంతకీ విషయం ఏంటంటే… కొరటాల శివతో చేస్తున్న మూవీ రెగ్యులర్ షూటింగ్ ఫిబ్రవరి నుంచి స్టార్ట్ చేయనున్నట్టు ప్రకటించారు. అంత వరకు బాగానే ఉంది కానీ.. రిలీజ్ డేట్ కూడా అనౌన్స్ చేశారు. అది ఎప్పుడంటే.. 2024లో ఏప్రిల్ 5న అని ప్రటించారు. అంటే.. 2023లో ఎన్టీఆర్ మూవీ రిలీజ్ లేదు అని చెప్పకనే చెప్పారు. ఈ మూవీ గురించి.. షూటింగ్ ఎప్పుడు నుంచి స్టార్ట్ అవుతుందో చెబితే సరిపోతుంది కానీ.. రిలీజ్ డేట్ కూడా ఎందుకు అనౌన్స్ చేశారో మేకర్స్ కే తెలియాలి. ఈ మూవీ గురించి అప్ డేట్ వస్తుంది అనుకున్నారు కానీ.. ఇలాంటి అప్ డేట్ వస్తుందని ఫ్యాన్స్ ఎక్స్ పెక్ట్ చేయలేదు.
దీని వల్ల ఫ్యాన్స్ కు క్లారిటీ వచ్చేసింది. 2023 లో ఎన్టీఆర్ సినిమా వుండదని తెలిసిపోయింది. ఆర్ఆర్ఆర్ తర్వాత ఇంత గ్యాప్ తీసుకోవడంతో అభిమానులు బాగా ఫీలవుతున్నారు. ఇక రామ్ చరణ్ అయితే.. ఆర్ఆర్ఆర్ తర్వాత శంకర్ తో మూవీ చేస్తున్నారు. ఈ సినిమా 60 శాతం షూటింగ్ పూర్తి చేసుకుంది. 2023 సమ్మర్ లో ప్రేక్షకుల ముందుకు వచ్చేందుకు రెడీ అవుతుంది. చరణ్ ప్లానింగ్ బాగానే ఉంది కానీ.. ఎన్టీఆర్ ప్లానింగ్ సరిగా లేదు అంటున్నారు సినీజనాలు. మరి.. ఇక నుంచైనా ఎన్టీఆర్ ఇంత గ్యాప్ లేకుండా ఫాస్ట్ గా సినిమాలు చేస్తాడేమో చూడాలి.
