Pawan with Venu: ప‌వ‌ర్ స్టార్ ప‌వ‌న్ క‌ళ్యాణ్ వ‌కీల్ సాబ్ మూవీతో రీ ఎంట్రీ ఇవ్వ‌డం… ఆ సినిమా బ్లాక్ బ‌స్ట‌ర్ స‌క్సెస్ సాధించ‌డం తెలిసిందే. ఇక రీసెంట్ గా భీమ్లా నాయ‌క్ అనే సినిమాతో ప్రేక్ష‌కుల ముందుకు వ‌చ్చాడు. ఈ సినిమా కూడా బాక్సాఫీస్ ద‌గ్గ‌ర బ్లాక్ బ‌స్ట‌ర్ స‌క్సెస్ సాధించింది. ఇలా వ‌రుస‌గా రెండు బ్లాక్ బ‌స్ట‌ర్స్ సాధించిన ప‌వ‌ర్ స్టార్ ఇప్పుడు హ‌రి హ‌ర వీర‌మ‌ల్లు అనే భారీ పీరియాడిక్ మూవీ చేస్తున్నారు. క్రిష్ డైరెక్ట్ చేస్తోన్న ఈ మూవీ ఇప్ప‌టి వ‌ర‌కు అర‌వై శాతం షూటింగ్ పూర్తి చేసుకుంది.
ఇదిలా ఉంటే.. రానా డైరెక్ట‌ర్ తో ప‌వ‌ర్ స్టార్ ఓ మూవీ చేయ‌నున్నార‌ని వార్తలు వ‌స్తున్నాయి. ఇంతకీ రానా డైరెక్ట‌ర్ ఎవ‌రంటే.. వేణు ఉడుగుల. రానా హీరోగా వేణు ఉడుగుల డైరెక్ష‌న్ లో విరాట‌ప‌ర్వం సినిమా రూపొందింది. ఈ సినిమా క‌రోనా కార‌ణంగా ఆల‌స్యం అయ్యింది కానీ.. లేక‌పోతే ఈపాటికే రిలీజ్ కావాల్సింది. సురేష్ బాబు ఈ సినిమాని రిలీజ్ చేయ‌డం కోసం మంచి డేట్ చూస్తున్నారు. త్వ‌ర‌లో విరాట‌ప‌ర్వం విడుద‌ల ఎప్పుడు అనేది ప్ర‌క‌టించ‌నున్నారు.
అయితే… వేణు ఉడుగుల ప‌వ‌ర్ స్టార్ కోసం ఓ ప‌వ‌ర్ ఫుల్ స్టోరీ రెడీ చేశాడ‌ట. ప‌వ‌ర్ స్టార్ కి కథ చెబితే… కథ విని ఓకే చెప్పార‌ని టాక్ వినిపిస్తోంది. ఈ క్రేజీ మూవీని ప్ర‌ముఖ నిర్మాణ సంస్థ హారిక అండ్ హాసిని క్రియేష‌న్స్ బ్యాన‌ర్ పై రాధాకృష్ణ నిర్మించ‌నున్నార‌ని వార్తలు వ‌స్తున్నాయి. త్వ‌ర‌లోనే ఈ మూవీని అధికారికంగా ప్ర‌క‌టించ‌నున్నార‌ని ఇండ‌స్ట్రీలో టాక్ బ‌లంగా వినిపిస్తోంది. అయితే… ప్ర‌చారంలో ఉన్న ఈ వార్త నిజ‌మేనా..? కాదా..? అనేది తెలియాల్సివుంది.
