Pawan: పవర్ స్టార్ ప‌వ‌న్ కళ్యాణ్ వ‌కీల్ సాబ్ మూవీతో రీ ఎంట్రీ ఇవ్వ‌డం తెలిసిందే. ఈ మూవీ బాక్సాఫీస్ ద‌గ్గ‌ర స‌క్సెస్ సాధించింది. ఆత‌ర్వాత భీమ్లా నాయ‌క్ అంటూ ప్రేక్ష‌కుల ముందుకు వ‌చ్చారు. ఈ మూవీతో కూడా స‌క్సెస్ సాధించారు. ప్ర‌స్తుతం క్రిష్ డైరెక్ష‌న్ లో హ‌రి హ‌ర వీర‌మ‌ల్లు అనే సినిమా చేస్తున్నారు. ఈ మూవీ ఇప్ప‌టి వ‌ర‌కు యాభై శాతం మాత్ర‌మే షూటింగ్ జ‌రుపుకుంది. ద‌స‌రా త‌ర్వాత ఏపీలో యాత్ర చేయ‌నున్న‌ట్టు ప్ర‌క‌టించ‌డంతో వీర‌మ‌ల్లు టీమ్ టెన్ష‌న్ ప‌డుతుంది.
ఇదిలా ఉంటే.. ఇప్పుడు సైలెంట్ గా పవర్ స్టార్ క్రేజీ మ‌ల్టీస్టార‌ర్ స్టార్ట్ చేయ‌డం ఆస‌క్తిగా మారింది. ఇంత‌కీ విష‌యం ఏంటంటే.. త‌మిళ్ లో విజ‌యం సాధించిన వినోద‌య సీత‌మ్ తెలుగులో రీమేక్ చేయ‌నున్నారు. ఇందులో పవర్ స్టార్ ప‌వ‌న్ కళ్యాణ్, మెగా హీరో సాయిధ‌ర‌మ్ తేజ్ క‌లిసి న‌టించ‌నున్నారు. ఈ క్రేజీ మ‌ల్టీస్టార‌ర్ కి స‌ముద్ర‌ఖ‌ని ద‌ర్శ‌క‌త్వం వ‌హించ‌నున్నారు. ప్ర‌ముఖ నిర్మాణ సంస్థ పీపుల్ మీడియా ఫ్యాక్ట‌రీ ఈ చిత్రాన్ని నిర్మిస్తుంది.
ఎప్ప‌టి నుంచో ఈ ప్రాజెక్ట్ వార్త‌ల్లో ఉంది. అయితే.. ఈ చిత్రాన్ని నిన్న సైలెంట్ గా స్టార్ట్ చేశారు. త్వ‌ర‌లోనే ఈ మూవీ షూటింగ్లో ప‌వ‌న్ జాయిన్ అవుతార‌ట. ఈ సినిమా కోసం 20 రోజులు డేట్స్ ఇచ్చారు ప‌వ‌న్. దీంతో ప‌వ‌న్ పార్ట్ కంప్లీట్ అవుతుంది. ఆత‌ర్వాత వీర‌మ‌ల్లు షూటింగ్ లో జాయిన్ అవుతార‌ట. అయితే.. ఈ రెండు చిత్రాలు ఎప్పుడు రిలీజ్ అవుతాయి అనేది ప్ర‌స్తుతానికి క్లారిటీ లేదు. మ‌రి.. త్వ‌ర‌లోనే క్లారిటీ ఇస్తారేమో చూడాలి.
Also Read : పవర్ స్టార్ క్లాప్ తో విశ్వక్ చిత్రం ప్రారంభం
