Costly Cast: సెన్సేష‌న‌ల్ హీరో విజ‌య్ దేవ‌ర‌కొండ, డేరింగ్ అండ్ డాషింగ్ డైరెక్ట‌ర్ పూరి జ‌గ‌న్నాథ్ కాంబినేష‌న్లో లైగ‌ర్ మూవీ రూపొందిన విష‌యం తెలిసిందే. ఈ సినిమా ఆగ‌ష్టు 25న ప్రేక్ష‌కుల ముందుకు వ‌చ్చేందుకు రెడీ అవుతుంది. ఈ మూవీ పై భారీ అంచ‌నాలు ఉన్నాయి. ఈ సినిమా రిలీజ్ కాకుండానే విజ‌య్, పూరి క‌ల‌సి మ‌రో సినిమాను ప్ర‌క‌టించారు. అదే జ‌న‌గ‌ణ‌మ‌న. ఇది పూరి జ‌గ‌న్నాథ్ డ్రీమ్ ప్రాజెక్ట్.
ఈ సినిమాలో విజ‌య్ స‌ర‌స‌న అతిలోక సుంద‌రి శ్రీదేవి కూతురు జాన్వీ కపూర్ న‌టిస్తుంది అనుకున్నారు కానీ.. క్రేజీ హీరోయిన్ పూజా హేగ్డేను ఫైన‌ల్ చేశారు. ఇటీవ‌ల పూజా ఈ సినిమా షూటింగ్ లో జాయిన్ అయ్యింది. ఇక ఈ సినిమా కోసం పూజా తీసుకున్న రెమ్యూన‌రేష‌న్ హాట్ టాపిక్ అయ్యింది. ఇంత‌కీ ఎంతంటే.. అక్ష‌రాల 5 కోట్లు అని అంటున్నారు. టాలీవుడ్ హీరోయిన్స్ ఇంత వరకూ అందుకుంటూ వచ్చిన అత్యధిక పారితోషికం ఇదే.
అలాగే తన కెరియర్లో పూజ హెగ్డే ఈ స్థాయి పారితోషికాన్ని అందుకుంటూ ఉండటం కూడా ఇదే మొదటిసారి అని చెబుతున్నారు. అలాగే ఫ‌స్ట్ టైమ్ విజ‌య్ స‌ర‌స‌న పూజా నటిస్తోంది. దీంతో ఈ సినిమాలో ఆమె క్యారెక్ట‌ర్ ఏవిధంగా ఉండబోతుంది అనేది ఆసక్తిగా మారింది. ఈ మూవీని 2023 ఆగ‌ష్టులో విడుదల చేయ‌నున్నారు. మ‌రి.. విజ‌య్, పూరి క‌లిసి లైగ‌ర్, జ‌న‌గ‌ణ‌మ‌న చిత్రాల‌తో బాక్సాఫీస్ ద‌గ్గ‌ర ఎలాంటి రికార్డులు సెట్ చేస్తారో చూడాలి.
Also Read : విజ‌య్, పూరిలకు కూడా జాన్వీ నో చెప్పిందా?
