పవన్ కళ్యాణ్, హరీష్ శంకర్ కాంబోలో గబ్బర్ సింగ్ మూవీ రూపొందడం.. ఆ సినిమా బాక్సాఫీస్ దగ్గర బ్లాక్ బస్టర్ అవ్వడం తెలిసిందే. ఇప్పుడు మళ్లీ ఈ క్రేజీ కాంబోలో ‘ఉస్తాద్ భగత్ సింగ్’ మూవీ తెరకెక్కుతుండడంతో అటు అభిమానుల్లోనూ, ఇటు ఇండస్ట్రీలోనూ భారీ అంచనాలు ఏర్పడ్డాయి. అయితే.. ఇందులో పవన్ కు జంటగా శ్రీలీల నటిస్తుంది. ఇటీవల రిలీజ్ చేసిన ఈ మూవీ టీజర్ కు ట్రెమండస్ రెస్పాన్స్ వచ్చింది. దీంతో ఉస్తాద్ భగత్ సింగ్ పై భారీ అంచనాలు ఏర్పడ్డాయి.
ఇప్పుడు ఉస్తాద్ భగత్ సింగ్ మూవీలో బుట్టబొమ్మ అదేనండి.. పూజా హేగ్డే కూడా నటిస్తుందని వార్తలు వస్తున్నాయి. అసలు హరీష్ శంకర్ ఈ మూవీలో ముందుగా పూజా హేగ్డేనే అనుకున్నాడు కానీ.. ఈ ప్రాజెక్ట్ ఆలస్యం అవుతుండడం వలన తప్పుకుంది. ఇప్పుడు ఈ సినిమా సెట్స్ పైకి వచ్చింది. ఇందులో సెకండ్ హీరోయిన్ పాత్ర కూడా ఉందట. ఆ పాత్ర కోసం పూజానే తీసుకోవాలి అనుకుంటున్నారని తెలిసింది. త్వరలో తాజా షెడ్యూల్ స్టార్ట్ కానుంది. ఈ షెడ్యూల్ లో కీలక సన్నివేశాలను చిత్రీకరించేందుకు ప్లాన్ చేస్తున్నారు. మరి.. ప్రచారంలో ఉన్నట్టుగా బుట్టబొమ్మ ఈ మూవీలో నటిస్తుందేమో చూడాలి.
