ప్రభాస్ బాహుబలి సినిమాతో వచ్చిన క్రేజ్ కు తగ్గట్టుగా వరుసగా సినిమాలు చేస్తున్నారు. ఈ సినిమాలన్నీ పాన్ ఇండియా సినిమాలే. అయితే.. తర్వాత చేసిన సాహో, రాధేశ్యామ్ చిత్రాలు ఆశించిన స్థాయిలో మెప్పించలేదు. సాహో సినిమాలో యాక్షన్ ఎక్కువ అయ్యింది.. రాధేశ్యామ్ సినిమాలో అసలు యాక్షన్ లేదు.
సరిగ్గా అలాంటి టైమ్ లోనే మారుతి.. ప్రభాస్ కు కథ చెప్పడం జరిగింది. ఇది ఓ హర్రర్ కామెడీ థ్రిల్లర్ మూవీ. ఇందులో ప్రభాస్ నుంచి ఆశించే ఎంటర్ టైన్మెంట్ ఉండడంతో ప్రభాస్ ఈ సినిమా చేయడానికి ఓకే చెప్పాడు. అయితే.. ప్రభాస్, మారుతి డైరెక్షన్ లో సినిమా చేస్తున్నాడని తెలిసినప్పుడు ఎవరూ నమ్మలేదు. ప్రభాస్ ఏంటి..? మారుతి డైరెక్షన్ లో సినిమా చేయడం ఏంటి..? ఇదేదో గ్యాసిప్ అనుకున్నారు కానీ… షూటింగ్ స్టార్ట్ అయినప్పుడు ఇది నిజమే అని తెలిసింది. ఇప్పటికీ అభిమానులే కాదు.. సినీ జనాలు కూడా మారుతితో ప్రభాస్ సినిమా చేయడం ఏంటి..? ఇది సరైన నిర్ణయం కాదు అంటూ కామెంట్స్ చేస్తున్నారు.
అయితే.. కథ పై నమ్మకంతోనే మారుతితో సినిమా చేయడానికి ఓకే చెప్పాడట. ఈ చిత్రాన్ని పీపుల్ మీడియా ఫ్యాక్టరీ సంస్థ నిర్మిస్తుంది. ప్రస్తుతం శరవేగంగా షూటింగ్ జరుపుకుంటుంది. అయితే.. ఈ సినిమా తక్కువ బడ్జెట్ తో రూపొందుతోంది అనుకుంటున్నారు కానీ.. కేవలం విఎఫ్ఎక్స్ వర్క్ కోసమే నిర్మాతలు 90 కోట్లు ఖర్చు చేస్తున్నారట. ప్రభాస్ కూడా క్వాలిటీ బాగుండాలని చెప్పడంతో నిర్మాతలు ఖర్చు చేస్తున్నారట. ఈ వార్త బయటకు వచ్చినప్పటి నుంచి టోటల్ బడ్జెట్ ఎంతై ఉంటుంది అని ఆరా తీస్తున్నారు. తక్కువ బడ్జెట్ మూవీ అనుకుంటే.. భారీ బడ్జెట్ మూవీ అయ్యింది. మారుతి పై ప్రభాస్ కు అత నమ్మకమా అనేది హాట్ టాపిక్ అయ్యింది. మరి.. ప్రభాస్, మారుతి పై పెట్టుకున్న నమ్మకం నిజం అవుతుందే లేదో చూడాలి.
