Sitaramam: దుల్కర్ సల్మాన్, మృణాల్ ఠాకూర్ జంటగా హను రాఘ‌వ‌పూడి డైరెక్ష‌న్ లో రూపొందిన విభిన్న ప్రేమ‌క‌థా చిత్రం సీతారామం. ఈ చిత్రంలో సుమంత్, భూమిక, రష్మిక కీల‌క పాత్ర‌లు పోషించ‌డం విశేషం. సీనియ‌ర్ ప్రొడ్యూస‌ర్ అశ్వ‌నీద‌త్ ఈ చిత్రాన్ని నిర్మించారు. ఫీల్ గుడ్ మూవీగా ట్రైలర్ తో మెప్పించిన సీతారామం చిత్రం ఆగ‌ష్టు 5న విడుదల. ఈ సినిమాకి భారీగా ప్ర‌మోష‌న్స్ చేయ‌డంతో ఆడియ‌న్స్ లో ఇంట్ర‌స్ట్ క్రియేట్ అయ్యింది.
ఇక సీతారామం ప్రీ రిలీజ్ ఈవెంట్ ను హైద‌రాబాద్ లో చేశారు. ఈ వేడుక‌కు పాన్ ఇండియా స్టార్ ప్ర‌భాస్ ముఖ్య అతిథిగా హాజ‌ర‌య్యారు. ఈ వేడుక‌లో ప్ర‌భాస్ మాట్లాడుతూ… సీతారామం ట్రైలర్ ఎక్స్ ట్రార్డినరీగా వుంది. దుల్కర్ సల్మాన్ హ్యాండ్ సమ్ హీరో, సూపర్ స్టార్. మహానటి లాంటి గ్రేట్ ఫిల్మ్ లో న‌టించారు. మృణాల్ చాలా అందంగా కనిపిస్తున్నారు. అలాగే రష్మిక డిఫరెంట్ రోల్ లో కనిపిస్తున్నారు. ఒక ప్రేమ కథని ఇంత భారీగా తీయడం మామూలు విషయం కాదు.
స్వప్న లాంటి ప్యాషన్ వున్న నిర్మాతతోనే ఇది సాధ్యపడుతుంది. హను గారు అద్భుతమైన దర్శకుడు. అశ్విన్ దత్ గారు లాంటి గొప్ప నిర్మాత తెలుగులో వుండటం మా అదృష్టం అని ప్ర‌భాస్ అన్నారు. సీతారామం థియేటర్ లో చూడాల్సిన సినిమా. ఇంట్లో పూజ గది వుందని గుడికి వెళ్ళడం మానేస్తామా? మా సినిమా పరిశ్రమకు థియేటరే గుడి. ఈ చిత్రాన్ని ఖచ్చితంగా అందరూ థియేటర్ లోనే చూడాలి అని ప్ర‌భాస్ అన్నారు. మ‌రి.. ప్ర‌భాస్ ప్ర‌చారం ఎంత వ‌ర‌కు క‌లిసొస్తుందో చూడాలి.
Also Read : ‘సీతా రామం’ తెలుగు ట్రైలర్ విడుదల
