RadheShyamOnMarch11th: పాన్ ఇండియా స్టార్ ప్రభాస్, క్రేజీ హీరోయిన్ పూజా హేగ్డే జంట‌గా న‌టించిన భారీ పిరియాడిక్ ఫిల్మ్ రాధేశ్యామ్. జిల్ ఫేమ్ రాధాకృష్ణ కుమార్ ఈ చిత్రానికి ద‌ర్శ‌క‌త్వం వ‌హిస్తున్నారు. సంక్రాంతి కానుక‌గా జ‌న‌వ‌రి 14న రావాల్సిన రాధేశ్యామ్ క‌రోనా థ‌ర్డ్ వేవ్ కార‌ణంగా వాయిదా ప‌డింది. ఎప్పుడెప్పుడు వ‌స్తుందా అని ప్రభాస్ అభిమానులు ఆతృత‌గా ఎదురు చూస్తున్నారు. ఆర్ఆర్ఆర్. ఆచార్య, స‌ర్కారు వారి పాట… ఇలా భారీ చిత్రాల రిలీజ్ డేట్స్ ప్ర‌క‌టించారు. రాధేశ్యామ్ రిలీజ్ డేట్ ఎప్పుడు ప్ర‌క‌టిస్తార‌నుకుంటే.. ఈరోజు మార్చి 11న రాధేశ్యామ్ రిలీజ్ అని అధికారికంగా ప్ర‌క‌టించారు మేకర్స్.
ఒక సాలిడ్ పోస్టర్ తో మేకర్స్ ఈ సినిమా విడుద‌ల తేదీని అనౌన్స్ చేశారు. ఈ డేట్ న ప్రతి ఒక్కరూ విధికి, ప్రేమకి జరిగే భీకర యుద్దాన్ని చూడబోతున్నారని చెప్పి రాధేశ్యామ్ పై మరిన్ని అంచనాలు పెంచేశారు. ఇందులో రెబల్ స్టార్ కృష్ణంరాజు కీల‌క పాత్ర పోషించారు. ప్ర‌ముఖ నిర్మాణ సంస్థ‌లు యువి క్రియేష‌న్స్, గోపీకృష్ణా మూవీస్ సంయుక్తంగా ఈ చిత్రాన్ని నిర్మించాయి. బాహుబ‌లి, సాహో త‌ర్వాత ప్రభాస్ నుంచి వ‌స్తున్న ఈ భారీ పిరియాడిక్ ల‌వ్ స్టోరీ రాధేశ్యామ్ బాక్సాఫీస్ ద‌గ్గ‌ర ఎలాంటి స‌క్స‌స్ సాధిస్తుందో చూడాలి.
Also Read : గర్వంగా ఫీల్ అవుతున్నాను – రాధాకృష్ణ కుమార్
