Chaitu- Sankrityan?: యువసామ్రాట్ నాగ‌చైత‌న్య ‘మ‌జిలీ’, ‘వెంకీమామ’, ‘ల‌వ్ స్టోరీ’, ‘బంగార్రాజు’.. ఇలా వ‌రుస‌గా విజ‌యాలు సాధిస్తూ.. కెరీర్ లో దూసుకెళుతున్నాడు. ప్ర‌స్తుతం ‘మ‌నం’ ఫేమ్ విక్ర‌మ్ కుమార్ డైరెక్ష‌న్ లో ‘థ్యాంక్యూ’ మూవీ చేస్తున్నాడు. ఈ మూవీ షూటింగ్ చివరి దశ‌లో ఉంది. దిల్ రాజు నిర్మిస్తున్న ఈ మూవీ స‌మ్మ‌ర్ లో ప్రేక్ష‌కుల ముందుకు వ‌చ్చేందుకు రెడీ అవుతుంది. ఇదిలా ఉంటే నాగ‌చైత‌న్య ఇకపై గ్యాప్ లేకుండా సినిమాలు చేసేందుకు ప‌క్కా ప్లాన్ తో ముందుకు వెళుతున్నారు.
తాజా వార్త ఏంటంటే… నానితో ‘శ్యామ్ సింగ రాయ్’ అనే విభిన్న క‌థా చిత్రాన్ని తెర‌కెక్కించి అంద‌రి ప్ర‌శంస‌లు అందుకున్న యంగ్ టాలెంటెడ్ డైరెక్ట‌ర్ రాహుల్ సాంకృత్య‌న్ నాగ‌చైత‌న్య కోసం ఓ డిఫ‌రెంట్ స్టోరీ రెడీ చేశాడ‌ట. ఇది టైమ్ ట్రావెల్ స్టోరీ అని తెలిసింది. ప్ర‌స్తుతం నాగ‌చైత‌న్య థ్యాంక్యూ మూవీ షూటింగ్ కోసం విదేశాల్లో ఉన్నాడు. హైద‌రాబాద్ వ‌చ్చిన త‌ర్వాత నాగ‌చైత‌న్య‌కు రాహుల్ కథ చెప్ప‌నున్నారు.
నాగ‌చైత‌న్య.. రాహుల్ స్టోరీకి ఓకే అంటే త్వ‌ర‌లో అనౌన్స్ మెంట్ ఉంటుంది అంటున్నారు. ఈ క్రేజీ కాంబినేష‌న్లో మూవీని ప్ర‌ముఖ నిర్మాణ సంస్థ మైత్రీ మూవీ మేక‌ర్స్ నిర్మించ‌నుందని స‌మాచారం.
