రామ్ చరణ్ ఆర్ఆర్ఆర్ మూవీ తర్వాత స్పీడు పెంచి వరుసగా సినిమాలు చేస్తున్నాడు. తర్వాత ఆచార్య సినిమా రిలీజ్ చేశాడు. ప్రస్తుతం శంకర్ డైరెక్షన్ లో భారీ పాన్ ఇండియా మూవీలో నటిస్తున్నాడు. ఈ చిత్రాన్ని దిల్ రాజు నిర్మిస్తున్నాడు. ప్రస్తుతం హైదరాబాద్ లో షూటింగ్ జరుపుకుంటుంది. నెక్ట్స్ షెడ్యూల్ కర్నూల్ కొండారెడ్డి బురుజు దగ్గర ప్లాన్ చేశారు. అక్కడ ఓ చిన్ని షెడ్యూల్ షూట్ ఉంది. ఈ చిత్రాన్ని సమ్మర్ లో రిలీజ్ చేయాలి అనుకున్నారు కానీ.. ఇంకా షూటింగ్ చేయాల్సింది చాలా ఉంది. అందుచేత సంక్రాంతికి రిలీజ్ చేయడానికి ప్లాన్ చేస్తున్నారు.
ఈ మూవీ తర్వాత చరణ్, బుచ్చిబాబుతో సినిమా చేయనున్నాడు. ఈ చిత్రాన్ని అఫిషియల్ గా అనౌన్స్ చేయడం జరిగింది. మైత్రీ మూవీ మేకర్స్ సమర్పణలో ఈ చిత్రం నిర్మాణం జరుపుకుంటుంది. ఇందులో చరణ్ కు జంటగా జాన్వీకపూర్ నటించనున్నట్టుగా వార్తలు వస్తున్నాయి. భారీ పాన్ ఇండియా మూవీగా రూపొందే ఈ చిత్రానికి సంబంధించి ప్రస్తుతం ప్రీ ప్రొడక్షన్ వర్క్ జరుగుతుంది. త్వరలో ఈ మూవీ షూటింగ్ స్టార్ట్ చేయడానికి ఏర్పాట్లు చేస్తున్నారు.
తాజాగా మరో సినిమాకి ఓకే చెప్పాడని తెలిసింది. ఇంతకీ ఎవరితో అంటే.. గత కొంత కాలంగా రామ్ చరణ్, నర్తన్ డైరెక్షన్ లో ఓ భారీ పాన్ ఇండియా మూవీకి శ్రీకారం చుట్టబోతున్నాడంటూ వార్తలు వినిపిస్తున్నాయి. ఇటీవల నర్తన్ చెప్పిన లైన్ నచ్చడంతో రామ్ చరణ్ తనతో ఈ మూవీకి గ్రీన్ సిగ్నల్ ఇచ్చేశాడని తెలిసింది. నావీ యాక్షన్ అడ్వెంచర్ గా ఈ సినిమా వుండబోతోందని ఈ మూవీ కోసం చరణ్ కూడా చాలా ఎగ్జైటెడ్ గా వున్నాడని చెబుతున్నారు. ఈ ప్రాజెక్ట్కు సంబంధించిన మరిన్ని వివరాలు త్వరలోనే అధికారికంగా ప్రకటించే అవకాశం వుందని ఇన్ సైడ్ టాక్. ఈ విధంగా వరుస క్రేజీ ప్రాజెక్ట్స్ చేస్తూ దూసుకెళుతున్నాడు మెగా పవర్ స్టార్.
Also Read: చరణ్ తో నటిస్తే.. పెళ్లైపోతుందా..?
