Treat: మెగాస్టార్ చిరంజీవి, మెగా ప‌వ‌ర్ స్టార్ రామ్ చరణ్..కాంబినేష‌న్లో రూపొందిన భారీ, క్రేజీ మూవీ ఆచార్య. ఈ చిత్రానికి బ్లాక్ బ‌స్ట‌ర్ డైరెక్ట‌ర్ కొర‌టాల శివ ద‌ర్శ‌క‌త్వం వ‌హించారు. తండ్రీకొడుకులు చిరంజీవి, రామ్ చరణ్ క‌లిసి న‌టిస్తున్నార‌ని తెలిసిన‌ప్ప‌టి నుంచి ఆచార్య సినిమా పై భారీ అంచ‌నాలు ఏర్ప‌డ్డాయి. ఈ మూవీ టీజ‌ర్ అండ్ సాంగ్స్ భారీగా అంచ‌నాల‌ను పెంచేశాయి. ఇప్పుడు ఈ క్రేజీ మూవీ ఈ నెల 29న ప్ర‌పంచ వ్యాప్తంగా ప్రేక్ష‌కుల ముందుకు వ‌చ్చేందుకు రెడీ అవుతోంది.
అయితే.. కొర‌టాల శివ.. శ్రీరామ‌న‌వ‌మి సంద‌ర్భంగా ఈ సినిమా నుంచి ఓ సాంగ్ రిలీజ్ చేయాల‌ని ఫిక్స్ అయ్యార‌ట. ఆ సాంగ్ సినిమాకి హైలైట్ గా నిలుస్తుంద‌ట. ఇక మెగా ఫ్యాన్స్ కి అయితే… చూడ‌డానికి క‌న్నుల పండ‌గ‌లా ఉంటుంద‌ని అంటున్నారు. ఈ వార్త బ‌య‌ట‌కు వ‌చ్చిన‌ప్ప‌టి నుంచి మెగా అభిమానులు ఎప్పుడెప్పుడు ఆ పాట‌ను రిలీజ్ చేస్తారా అని ఆతృత‌గా ఎదురు చూస్తున్నారు.
మ‌రో విష‌యం ఏంటంటే.. ఏప్రిల్ ఫ‌స్ట్ వీక్ నుంచి ఆచార్య ప్ర‌మోష‌న్స స్టార్ట్ చేయాల‌ని ఫిక్స్ అయ్యార‌ట. ఆర్ఆర్ఆర్ మూవీలో అల్లూరి సీతారామ‌రాజుగా అద్భుతంగా న‌టించి మెప్పించ‌డంతో నార్త్ లో చరణ్ కి మంచి క్రేజ్ వ‌చ్చింది. ఇప్పుడు ఆ క్రేజ్ ఆచార్య కి ప్ల‌స్ అవుతుంద‌నే టాక్ వినిపిస్తోంది.
Also Read : ఆచార్య … అంతొద్దు… కొద్దిగా తగ్గిద్దాం!
