ఎనర్జిటిక్ హీరో రామ్ ఇస్మార్ట్ శంకర్ మూవీతో మాస్ ఆడియన్స్ ని విశేషంగా ఆకట్టుకున్నాడు.. బ్లాక్ బస్టర్ సొంతం చేసుకున్నాడు. ఆతర్వాత రామ్ చేసిన సినిమా రెడ్. సంక్రాంతికి ప్రేక్షకుల ముందుకు వచ్చిన ఈ సినిమా ఆశించిన స్ధాయిలో మెప్పించలేదు. ఆ తర్వాత చాలా కథలు విని ఆఖరికి తమిళ దర్శకుడు లింగుస్వామి డైరెక్షన్ లో ఓ సినిమా చేసేందుకు ఓకే చెప్పారు. తెలుగు, తమిళ్ లో రూపొందే ఈ ద్విభాషా చిత్రాన్ని పవన్ కుమార్ సమర్పణలో శ్రీనివాస సిల్వర్ స్క్రీన్ పతాకం పై శ్రీనివాస్ చిట్టూరి నిర్మిస్తున్నారు.
ఈ చిత్రలో రామ్ సరసన ఉప్పెన ఫేమ్ కృతి శెట్టి కథానాయిక. ఈ మాస్ ఎంటర్ టైనర్ ఈపాటికే సెట్స్ మీదకి వెళ్ళాలి. అయితే.. కరోనా సెకండ్ వేవ్ బ్రేక్ వేసింది. ప్రస్తుతం పరిస్థితులు కాస్త అదుపులోకి వస్తున్న నేపథ్యంలో చిత్ర బృందం వచ్చే నెల నుంచి ఈ చిత్రాన్ని సెట్స్ పైకి తీసుకెళ్లేందుకు ప్లాన్ చేస్తున్నట్టు సమాచారం. రాక్స్టార్ దేవిశ్రీప్రసాద్ సంగీతం అందిస్తున్నాడు. ఇస్మార్ట్ శంకర్ మూవీతో మాస్ ని మెప్పించిన ఈ ఎనర్జిటిక్ హీరో రామ్.. మరోసారి మాస్ ని మెప్పించే కథతో ఈ సినిమా చేస్తున్నారు. మరి.. ఈ ద్విభాషా చిత్రంతో రామ్ మరో బ్లాక్ బస్టర్ సాధిస్తాడేమో చూడాలి.
