`క్రాక్` సినిమాతో బ్లాక్ బస్ట‌ర్ హిట్ సాధించిన మాస్ మ‌హారాజ ర‌వితేజ హీరోగా శరత్ మండవ ద‌ర్శ‌క‌త్వంలో ఓ కొత్త సినిమా రూపొందుతోన్న విష‌యం తెలిసిందే. వాస్తవ సంఘటనల ఆధారంగా ఒక యూనిక్ థ్రిల్ల‌ర్‌గా ఈ సినిమా తెర‌కెక్కుతోంది. ర‌వితేజ స‌ర‌స‌న దివ్యాంశ కౌశిక్ హీరోయిన్‌గా న‌టిస్తోంది. ఎస్ఎల్‌వి సినిమాస్ ఎల్ఎల్‌పి బ్యాన‌ర్‌పై సుధాక‌ర్ చెరుకూరి నిర్మిస్తున్న ఈ మూవీ రెగ్యుల‌ర్ షూటింగ్ జులై 1 నుండి హైద‌రాబాద్‌లోని అల్యుమినియం ఫ్యాక్ట‌రీలో ప్రారంభం కానుంది. ఈ షెడ్యూల్ లో టీమ్ అంద‌రూ పాల్గొన‌నున్నారు. ఈ చిత్రానికి స్యామ్ సీఎస్ సంగీతం అందిస్తుండ‌గా స‌త్య‌న్ సూర్యన్ సినిమాటోగ్రాఫ‌ర్‌గా వ‌ర్క్ చేస్తున్నారు.
ద‌ర్శ‌కుడు శరత్ మండవ మన తెలుగు వారే…గతంలో వెంకటేష్, అజిత్, కమల్ హాసన్, మోహన్ లాల్ తదితర స్టార్ హీరోల సినిమాల‌కు రచయితగా పనిచేశారు. ఈ చిత్రానికి కథ, స్క్రీన్ ప్లే, మాట‌లు, ద‌ర్శ‌క‌త్వం: శరత్ మండవ, నిర్మాత: సుధాక‌ర్ చెరుకూరి, బ్యాన‌ర్‌: ఎస్ఎల్‌వి సినిమాస్ ఎల్ఎల్‌పి, సంగీతం: స్యామ్ సీఎస్, సినిమాటోగ్ర‌ఫి: స‌త్య‌న్ సూర్యన్, ఆర్ట్: సాయి సురేష్‌, స్టిల్స్‌: సాయి రామ్ మాగంటి, పిఆర్ఓ: వంశీ- శేఖ‌ర్
