ప్రభాస్ అభిమానులే కాకుండా సినీ అభిమానులు అందరూ ఎంతో ఆతృతగా ఎదురు చూస్తున్న మూవీ ‘సలార్’. ఈ చిత్రానికి ప్రశాంత్ నీల్ దర్శకత్వం వహిస్తున్నారు. ఈ సినిమా పై డార్లింగ్ ఫ్యాన్స్ చాలా ఆశలు పెట్టుకున్నారు. బాహుబలి తర్వాత ఆరేంజ్ సక్సెస్ సాధించలేని ప్రభాస్ కు సలార్ బ్లాక్ బస్టర్ సక్సెస్ అందిస్తుందని గట్టి నమ్మకంతో ఉన్నారు. సెప్టెంబర్ 28న విడుదల కావాల్సిన సలార్ డిసెంబర్ 22న రిలీజ్ చేయనున్నట్టుగా ప్రకటించారు. అదే రోజున షారుఖ్ ‘డంకీ’ చిత్రం రిలీజ్ కానుంది. దీంతో ఈ రెండు సినిమాల పై పోటీ ఏర్పడడంతో అప్పటి నుంచి సలార్ పై మరింత క్రేజ్ ఏర్పడింది.
సోషల్ మీడియాలో సలార్ ను ప్రత్యేకంగా టార్గెట్ చేయడం స్టార్ట్ చేశారని.. అందులో భాగంగా ‘సలార్’ ‘ఉగ్రమ్’ రీమేక్ అంటూ ప్రచారం చేస్తున్నారని ప్రభాస్ ఫ్యాన్స్ అంటున్నారు. గతంలో సంగీత దర్శకుడు రవి బస్రూర్ మాట్లాడుతూ.. సలార్ చిత్రం.. ప్రశాంత్ నీల్ మొదటి చిత్రం ఉగ్రమ్ రీమేక్ అని చెప్పిన వీడియో బయటకు తీసి ట్విట్టర్ లో వైరల్ చేశారు. ఇక అప్పటి నుంచి అతను ఏ ఉద్దేశ్యంతో అలా చెప్పాడు..? సలార్ నిజంగానే ఉగ్రమ్ రీమేకా అనేది ఆసక్తిగా మారింది. అయితే.. సలార్, ఉగ్రమ్ మధ్య పోలికలు ఉండచ్చేమో కానీ.. మక్కికి మక్కి అయితే ఖచ్చితంగా కాదు అని యూనిట్ సభ్యులు చెబుతున్నట్టుగా వార్తలు వస్తున్నాయి.
కన్నడలో సక్సెస్ అయిన ఉగ్రమ్ చిత్రాన్ని మళ్లీ తీసి కన్నడ ప్రేక్షకులకు ఎందుకు చూపిస్తాడని ప్రభాస్ ఫ్యాన్స్ ప్రశ్నిస్తున్నారు. పైగా ఉగ్రమ్ సినిమా యూట్యూబ్ లో ఉంది. నిజంగా ఉగ్రమ్ రీమేక్ చేయాలి అనుకుంటే ఆ చిత్రాన్ని యూట్యూబ్ లో లేకుండా చేసేవారు కదా అని కామెంట్లు వినిపిస్తున్నాయి. దీని పై క్లారిటీ రావాలంటే.. ప్రశాంత్ నీల్ చెప్పాల్సిందే. త్వరలోనే ప్రమోషన్స ను భారీగా చేసేందుకు పక్కా ప్లాన్ రెడీ చేస్తున్నారు. మరి.. సలార్ ఏ రేంజ్ సెన్సేషన్ క్రియేట్ చేయనుందో చూడాలి.
