Shoot resumed: పాన్ ఇండియా స్టార్ ప్రభాస్, సెన్సేష‌న‌ల్ డైరెక్ట‌ర్ ప్రశాంత్ నీల్ కాంబినేష‌న్లో భారీ పాన్ ఇండియా మూవీ సలార్ రూపొందుతోన్న విష‌యం తెలిసిందే. ఈ భారీ, క్రేజీ మూవీని హోంబలే సంస్థ అత్యంత ప్ర‌తిష్టాత్మ‌కంగా నిర్మిస్తుంది. ఇందులో ప్రభాస్ స‌ర‌స‌న క్రేజీ హీరోయిన్ శృతిహాస‌న్ న‌టిస్తోంది. చాలా రోజుల క్రితమే ఈ సినిమా షూటింగు మొదలైంది. అయితే.. ప్రభాస్ ఇతర ప్రాజెక్టులతో బిజీగా ఉండటం .. ప్రశాంత్ నీల్ కేజీఎఫ్ 2 పనుల్లో ఉండటం వలన సలార్ షెడ్యూల్స్ మధ్య గ్యాప్ వచ్చింది.
ఇక ఇప్పుడు మళ్లీ ఈ సినిమా తాజా షెడ్యూల్ మొదలైంది. హైదరాబాద్ లోని రామోజీ ఫిల్మ్ సిటీలో ఈ షెడ్యూల్ మొదలైంది. ప్రభాస్..శృతి హాసన్ తదితరుల పై యాక్షన్ సీక్వెన్స్ ను చిత్రీకరిస్తున్నారు. డిఫరెంట్ గా డిజైన్ చేయబడిన ఈ యాక్షన్ సీక్వెన్స్ ఈ సినిమాకి హైలైట్ గా నిలుస్తుందని అంటున్నారు. కేజీఎఫ్ 2 చ‌రిత్ర సృష్టించ‌డంతో సలార్ పై భారీ అంచ‌నాలు ఏర్ప‌డ్డాయి. ఆ.. అంచ‌నాల‌కు త‌గ్గ‌ట్టుగా సలార్ ఉంటుంద‌ని ప్రశాంత్ నీల్ చెబుతున్నారు.
ఈ సినిమా కోసం ప్రభాస్ స్లిమ్ గా త‌యార‌వ్వ‌డంతో ఈ మూవీ టీజ‌ర్ ఎప్పుడు వ‌స్తుందా అని అభిమానులు ఆతృత‌గా ఎదురు చూస్తున్నారు. మే నెలాఖ‌రున సలార్ టీజ‌ర్ రిలీజ్ చేయాలి అనుకున్నారు కానీ… కొన్ని కార‌ణాల వలన రిలీజ్ చేయ‌లేదు. త్వ‌ర‌లోనే టీజ‌ర్ రిలీజ్ చేసేందుకు ఏర్పాట్లు చేస్తున్నారు. వచ్చే సంవ‌త్స‌రం స‌మ్మ‌ర్ లో సలార్ రానుంది. మ‌రి.. సలార్ తో ప్రభాస్, ప్రశాంత్ నీల్ చ‌రిత్ర సృష్టిస్తారేమో చూడాలి.
Also Read : సలార్ కి షాక్ ఇచ్చిన పృథ్వీరాజ్.
