‘హృదయ కాలేయం’, ‘కొబ్బరిమట్ట’ కామెడి చిత్రాలతో తెలుగు ప్రేక్షకుల్ని తన అభిమానులుగా మార్చుకున్న బర్నింగ్స్టార్ సంపూర్ణేష్ బాబు. కె ఎస్ క్రియేషన్స్ పతాకంపై బోడెంపూడి కిరణ్ కుమార్ సమర్పణలో తెరకెక్కుతున్న సినిమా బజార్ రౌడీ. ఈ సినిమాని సీనియర్ దర్శకుడు డి. వసంత నాగేశ్వరావు తెరకెక్కించారు. ఇప్పటికే ట్రేడ్ లో క్రేజ్ ని సొంతం చేసుకున్న ఈ చిత్రాన్ని సంధిరెడ్డి శ్రీనివాసరావు నిర్మిస్తున్నారు. శేఖర్ అలవలపాటి నిర్మాణసారధ్యంలో తెరకెక్కుతున్న ఈ చిత్రం లో సంపూర్ణేష్ బాబు కి జోడిగా మహేశ్వరి వద్ది నటిస్తున్నారు.
పక్కా కమర్షియల్ ఎలిమెంట్స్ తో సంపూ మార్క్ తో ఈ చిత్రం ఆద్యంతం నవ్వులతో వుండేలా తెరకెక్కించారు. సీనియర్ రైటర్ మరుధూరి రాజా ఈ సినిమాకు మాటలు రాశారు. ఎడిటర్ గౌతంరాజు బజార్ రౌడీ చిత్రాన్ని చాలా బాగా కుదించారు. SS ఫ్యాక్టరీ సంగీతం సమకూర్చిన ఈ సినిమాకు ఏ విజయ్ కుమార్ సినిమాటోగ్రఫీ అందించారు. ఈ సినిమా ని అన్ని కార్యక్రమాలు పూర్తిచేసి అగష్టు లో ప్రపంచ వ్యాప్తంగా గ్రాండ్ రిలీజ్ ప్లాన్ చేయనున్నారు.
