విభిన్న పాత్రలు పోషిస్తూ తనకంటూ ఓ ప్రత్యేక ఇమేజ్ ను సొంతం చేసుకున్న యంగ్ అండ్ ఎన‌ర్జిటిక్ స్టార్ సందీప్ కిష‌న్ టైటిల్ పాత్రలో నటిస్తోన్న చిత్రం ‘గ‌ల్లీరౌడీ’. బాక్సాఫీస్ వ‌ద్ద ఎన్నో సెన్సేష‌న‌ల్ హిట్లు సాధించిన సూప‌ర్ డూప‌ర్ హిట్ చిత్రాల స‌క్సెస్‌లో కీలక పాత్ర‌ను పోషించిన స్టార్ రైట‌ర్ కోన వెంకట్ ఈ చిత్రానికి స‌మ‌ర్ప‌కుడిగా వ్య‌వ‌హరించ‌డ‌మే కాకుండా స్క్రీన్‌ప్లేను కూడా అందించారు.
కోన ఫిల్మ్‌ కార్పొరేషన్‌, ఎంవీవీ సినిమా పతాకాలపై కోన వెంకట్ సమర్పణలో ‘సీమ‌శాస్త్రి’, ‘సీమ ట‌పాకాయ్‌’, ‘దేనికైనా రెఢీ’, ‘ఈడోర‌కం ఆడోర‌కం’ వంటి స‌క్సెస్‌ఫుల్ చిత్రాల డైరెక్ట‌ర్ జి.నాగేశ్వరరెడ్డి దర్శకత్వంలో ఎం.వి.వి.సత్యనారాయణ ‘గల్లీ రౌడీ’ చిత్రాన్ని నిర్మిస్తున్నారు. న‌ట‌కిరిటీ రాజేంద్ర ప్ర‌సాద్ ఇందులో ప్రధాన పాత్ర పోషించిన ఈ చిత్రంలో కోలీవుడ్ యాక్టర్ బాబీ సింహ ఓ కీలక పాత్రలో నటించారు. నేహా శెట్టి హీరోయిన్. ఈ సినిమా పోస్ట్ ప్రొడక్షన్ ప‌నుల‌ను పూర్తి చేసుకుని సెన్సార్‌కు సిద్ధ‌మైంది.
‘‘సందీప్ కిష‌న్ డిఫ‌రెంట్ పాత్ర‌ను ‘గ‌ల్లీరౌడీ’లో చేశారు. ఇప్ప‌టికే విడుద‌లైన టీజ‌ర్ సినిమా ఎంత హిలేరియ‌స్‌గా ఉంటుంద‌నే విష‌యాన్ని రివీల్ చేసి అమేజింగ్ రెస్పాన్స్ రాబ‌ట్టుకుంది. న‌వ్వుల కిరిటీ రాజేంద్ర ప్ర‌సాద్‌గారు సినిమాలో చాలా ఇంపార్టెంట్ రోల్ చేశారు. ఆయ‌న పాత్రకున్న ప్రాధాన్య‌త ఏంటో సినిమా చూస్తే అర్థ‌మ‌వుతుంది. అలాగే బాబీసింహాగారు కూడా కీలక పాత్ర‌ను పోషించారు. ది ఫ్యామిలీ మేన్ 2, ఛ‌లో వంటి చిత్రాల్లో న‌టించిన మెప్పించిన మైమ్ గోపి ఈ చిత్రంలో విల‌న్‌గా నటించారు. అలాగే హీరోయిన్ నేహాశెట్టి రోల్.. .ఇలా అంద‌రి పాత్ర‌లను ప్ర‌తి ఒక్క‌రూ ఎంజాయ్ చేసేలా ఉంటుంది. సినిమా పోస్ట్ ప్రొడక్షన్ కార్యక్ర‌మాలు పూర్త‌య్యాయి. త్వ‌ర‌లోనే సెన్సార్ కూడా పూర్తి చేసుకోనుంది. సెన్సార్ పూర్తి కాగానే సినిమా రిలీజ్ డేట్‌పై అధికారిక ప్ర‌క‌ట‌న చేస్తాం’’ అని ద‌ర్శ‌క నిర్మాత‌లు తెలిపారు.
