‘వంగవీటి, ‘జార్జిరెడ్డి’ ఫేమ్ సందీప్ మాధవ్ హీరోగా గాయత్రి ఆర్. సురేష్, శీత‌ల్ భట్ హీరోయిన్లుగా రూపొందుతున్న చిత్రం ‘గంధర్వ’. ఫ‌న్నీ ఫాక్స్ ఎంట‌ర్‌టైన్‌మెంట్స్‌, వీర శంక‌ర్ సిల్వ‌ర్ స్క్రీన్స్ ప‌తాకాల పై అప్సర్ దర్శకత్వంలో ఎమ్.ఎన్ మధు ఈ చిత్రాన్ని నిర్మిస్తున్నారు. డైలాగ్ కింగ్ సాయి కుమార్, సురేష్ ముఖ్యపాత్రలు పోషిస్తున్నారు. 75వ స్వాతంత్య్ర దినోత్స‌వం సంద‌ర్భంగా ఈ చిత్రం ఫ‌స్ట్ లుక్‌, మోషన్ పోస్ట‌ర్‌ను చిత్ర యూనిట్ విడుదల చేసింది.
ఇండియ‌న్ సినిమాల్లో రాన‌టువంటి ఓ డిఫ‌రెంట్ క‌థాంశంతో ద‌ర్శ‌కుడు అప్సర్ ఈ సినిమాను తెర‌కెక్కిస్తుండ‌గా ఇప్ప‌టి వ‌ర‌కు న‌టించ‌ని ఓ డిఫ‌రెంట్ రోల్‌లో సందీప్ మాధవ్ క‌నిపించ‌నున్నారు. ఫ‌స్ట్‌లుక్‌, మోషన్ పోస్ట‌ర్‌ను గ‌మ‌నిస్తే హీరో సందీప్ మాధవ్ రౌడీల‌ను చిత‌క్కొడుతున్నారు. హీరో చేతులు ఓ కుర్చీకి క‌ట్టేయ‌బ‌డి ఉన్నాయి. ఇవ‌న్నీ చూస్తుంటే గంధర్వ సినిమాలో భారీ యాక్ష‌న్ స‌న్నివేశాలుంటాయ‌ని తెలుస్తుంది. సినిమా చిత్రీక‌ర‌ణ తుది ద‌శ‌కు చేరుకుంది. నాగు.వై ఈ చిత్రానికి ఎగ్జిక్యూటివ్ ప్రొడ్యూస‌ర్‌. ర్యాప్ రాక్ షకీల్ సంగీతం అందిస్తున్న ఈ చిత్రానికి నిరంజ‌న్ జె.రెడ్డి సినిమాటోగ్రాఫ‌ర్‌గా వ‌ర్క్ చేస్తున్నారు.
సందీప్ మాధవ్, గాయత్రి ఆర్.సురేశ్, శీత‌ల్ భట్, సాయికుమార్‌, సురేశ్ త‌దిత‌రులు నటిస్తున్న ఈ చిత్రానికి బ్యాన‌ర్స్‌: ఫ‌న్నీ ఫాక్స్ ఎంట‌ర్‌టైన్‌మెంట్స్‌, వీర శంక‌ర్ సిల్వ‌ర్ స్క్రీన్స్, సంగీతం: ర్యాప్ రాక్ షకీల్, సినిమాటోగ్ర‌ఫీ: నిరంజ‌న్ జె.రెడ్డి, ఎగ్జిక్యూటివ్ ప్రొడ్యూస‌ర్‌: నాగు.వై, చీఫ్ కో – డైరెక్టర్ : ప్రకాష్ పచ్చల, ఆర్ట్‌: జె.కె.మూర్తి, ఎడిట‌ర్‌: బ‌స్వా పైడి రెడ్డి, పాట‌లు: రామ‌జోగ‌య్య శాస్త్రి, అప్సర్, పి.ఆర్.ఓ: సాయి స‌తీశ్‌, రాంబాబు పర్వత నేని, ప్రొడ్యూస‌ర్‌: ఎం.ఎన్.మధు, కథ, స్క్రీన్‌ప్లే, ద‌ర్శ‌క‌త్వం: అప్సర్.
